ჯანმრთელობაზე ზრუნვის კულტურის განვითარებისთვის ახალი ბრენდი - „ვიანი“ შეიქმნა

ზღვის დონიდან 2,800 მეტრზე, გუდაურის მთაზე, ჯანმრთელობაზე ზრუნვის ბრენდი - „ვიანი“ დაიბადა.

ბრენდის პრეზენტაცია გამთენიისას, 06:12 სთ-ზე ჩატარდა. მზის ამოსვლა ახალი დღის დასაწყისის სიმბოლოა, მისი ენერგია კი ადამიანებს ოპტიმიზმით და ზრუნვით აკავშირებს. სწორედ ამ იდეის გარშემო გაერთიანდნენ კომპანიის თანამშრომლები.

ასე წარსდგა ქვეყნის ჯანდაცვის ლიდერი კომპანია „ევექსი ჰოსპიტლები“ საზოგადოების წინაშე სრულიად ახალი სახელწოდებით, ვიზუალური იდენტობით, მისია/ღირებულებებით და სტრატეგიით.

ჯანდაცვის სფეროში მრავალწლიანი ოპერირებით, „ევექსი ჰოსპიტლებმა“ საქართველოს 6 რეგიონში, 17 ჰოსპიტლის მეშვეობით სასიცოცხლოდ მნიშვნელოვანი სამედიცინო სერვისები ყველასთვის თანაბრად ხელმისაწვდომი გახადა, რამაც ჯანმრთელობაზე ზრუნვის ახალ ეტაპზე გადასვლის მზაობას ჩაუყარა საფუძველი.

ახალი ბრენდის, ვიანის მისიაა, განავითაროს ჯანმრთელობაზე ზრუნვის კულტურა თანამშრომლების, მომხმარებლებისა და საზოგადოების ცხოვრების ხარისხის გასაუმჯობესებლად. ბრენდის ლოგო სიცოცხლის ზეიმისთვის ოპტიმიზმით და ახალი დღის ენერგიით გაერთიანებულ ორ სიმბოლურ მხარეს ასახავს.

ბრენდის ახალი სტრატეგია გრძელვადიანი პარტნიორული ურთიერთობის განვითარებას გულისხმობს არა მხოლოდ „დაავადებების მართვის“, არამედ - ჯანმრთელობაზე მუდმივი ზრუნვის კუთხით. ვიანის სტრატეგიული ხედვით, ქვეყანაში ცხოვრების ხარისხის გასაუმჯობესებლად მნიშვნელოვანია ჯანმრთელობაზე ზრუნვის კულტურის განვითარება, რაც ჰოლისტური მიდგომით ფიზიკურ და მენტალურ ჯანმრთელობაზე ცნობიერების ამაღლებას გულისხმობს და პრევენციული მედიცინის პოპულარიზაციას ითვალისწინებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს