ლევან დავითაშვილი - ჰესების დემონიზება არ არის სწორი, უპასუხისმგებლოა

ჰესების დემონიზება, მე ვფიქრობ, რომ არ არის სწორი, უპასუხისმგებლოა და ჩვენი ქვეყნის მიმართ არის ძალიან არასამართლიანი, - ამის შესახებ ეკონომიკისა და მდგრადი განვითარების მინისტრმა, ვიცე - პრემიერმა ლევან დავითაშვილმა მთავრობის სხდომის დასრულების შემდეგ გამართულ ბრიფინგზე შუახევის ჰესთან დაკავშირებით დასმული კითხვის საპასუხოდ განაცხადა.

ამასთან, როგორც დავითაშვილმა აღნიშნა, მისთვის მიწოდებული ანგარიშის თანახმად, შუახევის ჰესის შემთხვევაში არ არის გამოვლენილი კაშხლის ბეტონის რღვევა და შესაბამისად, წყლის ნაკადი არ უკავშირდება სადგურის რაიმე ტიპის დაზიანებას. თუმცა, ლევან დავითაშვილის თქმით, სპეციალისტები კაშხალზე დაკვირვებას ერთი თვის განმავლობაში განახორციელებენ.

„შუახევის ჰესთან დაკავშირებით მოგახსენებთ, როდესაც ჩვენთვის ინფორმაცია ხდება ცნობილი, ჩვენ ვაკეთებთ ამაზე რეაგირებას. რა ანგარიშიც მე მომივიდა, მეუბნებიან, რომ ამ შემთხვევაში არ არის გამოვლენილა კაშხლის ბეტონის რღვევა და შესაბამისად, წყლის ნაკადი არ უკავშირდება სადგურის რაიმე ტიპის დაზიანებას. აქედან გამომდინარე, ამ შემთხვევაში, უსაფრთხოა და დაზიანების გამო არ არის ის წყლის შეგუბება და არ არის წყალი გამოსული. ჩვენი მხრიდან, ამ შემთხვევაში ენერგეტიკოსების მხრიდან, მიმდინარეობს დაკვირვება, ერთი თვის განმავლობაში მოხდება დაკვირვება ისე, რომ გამოირიცხოს ყოველგვარი რისკი.

დაკვირვება იმიტომ გახდა საჭირო, რომ დაისვა კითხვა, იყო წყალი და აღმოჩნდა, რომ კონსტრუქციული რაიმე ტიპის დაზიანების გამო არ არის ეს წყალი. რა თქმა უნდა, ნებისმიერ საკითხს სჭირდება უფრო მეტი შესწავლა. იქიდან გამომდინარე, რომ ყოველგვარი რისკი თავიდან ავიცილოთ, საჭიროა, ვიყოთ ყურადღებით და ამ შემთხვევაში ასეც იქნება.

უბრალოდ დავამატებ, რომ ჰესების დემონიზება, მე ვფიქრობ, რომ არ არის სწორი, უპასუხისმგებლოა და ჩვენი ქვეყნის მიმართ არის ძალიან არასამართლიანი. შესაბამისად, მედიასაშუალებებს ვთხოვ, რომ ძალიან პასუხისმგებლობიანები ვიყოთ და ვიყოთ ყურადღებიანი, როდესაც გარკვეულ ინფორმაციას ვაწვდით საზოგადოებას, ეს ინფორმაცია დაეფუძნოს ფაქტებს და არ მოხდეს დისკრედიტირება ძალიან მნიშვნელოვანი სექტორის. სხვა შემთხვევაში, ჩვენ ვაზარალებთ ქვეყანას, ქვეყნის ინტერესებს და ეს, მე ვფიქრობ, რომ ძალიან ცუდია“,- განაცხადა დავითაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი