გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.

„ენერგო-პრო ჯორჯიას“ ცნობით, ქსელის გეგმური სარეაბილიტაციო სამუშაოების გამო, 12 სექტემბერს 11:00-დან 18:00 საათამდე ელექტროენერგიის მიწოდება შეეზღუდება აბონენტებს დუშეთის რაიონის სოფლებში ბაზალეთი, ჩუბინიანთკარი, პირმისაანი, მილახვრიანი და მიმდებარე სოფლებში; 11:00-დან 13:00 საათამდე აბონენტებს მცხეთაში აღმაშენებლის, რუსთაველის, წერეთლის, მირიანის და მიმდებარე ქუჩებზე; 12:00-დან 15:00 საათამდე აბონენტებს მცხეთის რაიონის სოფლებში არაშენდა, შანკევანი, ბიწმენდი და მიმდებარე სოფლებში; 15:30-დან 16:30 საათამდე აბონენტებს თბილისის მუნიციპალიტეტში სოფელ დიღომში, ჩალიპირებსა და მიმდებარე ტერიტორიაზე.

მათივე ცნობით, სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.