„საქართველოს ბანკის“ ფინანსური მხარდაჭერით თბილისის საერთაშორისო აეროპორტთან IBIS-ის ბრენდის ახალი სასტუმრო აშენდება

„საქართველოს ბანკის“ ფინანსური მხარდაჭერით თბილისის საერთაშორისო აეროპორტთან IBIS-ის ბრენდის ახალი სასტუმრო აშენდება. აღნიშნულთან დაკავშირებით ინფორმაციას „საქართველოს ბანკი“ ავრცელებს.

მათი ცნობით, „საქართველოს ბანკი“ სტუმარ-მასპინძლობის სექტორის მხარდაჭერას აქტიურად განაგრძობს.

“ამ მიზნით, ბანკთან პარტნიორობით, „ფუჯინ სილქ ფროფერთი“ თბილისის საერთაშორისო აეროპორტთან სამვარსკვლავიან სასტუმროს IBIS-ის ბრენდის სახელით გახსნის. 72- ნომრიანი სასტუმრო 4- სართულიან 4600 კვ.მ. ფართობის შენობაში განთავსდება.

სასტუმროში მისული სტუმრები შეძლებენ ისარგებლონ რესტორნით და ღვინის მაღაზიით. სასტუმროში ასევე მოეწყობა სატრენაჟორო დარბაზი და საკონფერენციო სივრცე. პროექტის ჯამური ინვესტიცია დაახლოებით 8,7 მილიონი აშშ დოლარია. ბანკის ფინანსური რესურსი კი 2 მილიონ აშშ დოლარს შეადგენს.

„მოხარული ვართ, რომ ჩვენი ფინანსური პარტნიორის მხარდაჭერით, IBIS-ის ბრენდის ახალ სასტუმროს ავაშენებთ. მიგვაჩნია, რომ სასტუმროს ლოკაცია მოგვცემს შესაძლებლობას, მოვიზიდოთ ბევრი ტურისტი. მოხარული ვართ, რომ პროექტის განხორციელების შედეგად შევქმნით ახალ სამუშაო ადგილებს და ჩვენს წვლილს შევიტანთ ეკონომიკური გარემოს გაუმჯობესებაში“,- განაცხადა კომპანიის დირექტორმა, ჯონ დოდელენდემ.

„საქართველოს ბანკის“ კორპორაციული კლიენტების მომსახურების დეპარტამენტის კორპორაციული გაყიდვების სექტორის უფროსის, ნინო აფციაურის განცხადებით, მდებარეობიდან გამომდინარე, სასტუმროს ბევრი სტუმარი ეყოლება.

„ჩვენ მუდმივად მზად ვართ ჩავერთოთ პროექტებში, რომლის დახმარებითაც ქვეყანაში საერთაშორისო ბრენდები შემოვლენ, რაც ხელს შეუწყობს ქვეყნის ცნობადობის ზრდას და ახალი ტურისტული ნაკადის მოზიდვას. მოხარული ვართ, რომ ხელს ვუწყობთ ბიზნესს, დაიწყონ და განახორციელონ ახალი პროექტები. მიგვაჩნია, რომ ლოკაციიდან გამომდინარე სასტუმროს ეყოლება ბევრი სტუმარი, რომელსაც გაუწევენ მაღალი ხარისხის მომსახურებას და ამით გაზრდიან შემოსავლებს, რაც მათ მისცემს შესაძლებლობას, არ გაჩერდნენ და კიდევ ბევრი, ახალი პროექტი განახორციელონ “,- განაცხადა ნინო აფციაურმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024