GITA-სა და კოპერნიკის სამეცნიერო ცენტრს შორის ურთიერთთანამშრომლობის მემორანდუმი გაფორმდა

საქართველოს ინოვაციების და ტექნოლოგიების სააგენტო აქტიურად მუშაობს ქუთაისში ახალი ტექნოპარკის გახსნის პროცესზე, სადაც დაგეგმილია ექსპლორატორიუმის ტიპის ინტერაქტიული სამეცნიერო ლაბორატორიის დაარსება. ამის შესახებ ინფორმაციას საქართველოს ინოვაციების და ტექნოლოგიების სააგენტო ავრცელებს.

მათივე ცნობით, ტექნოპარკის ვიზიტორებს, სტუდენტებს, ადგილობრივ მოსახლეობას, იმერეთში ჩამოსულ ტურისტებს შესაძლებლობა ექნებათ აღმოაჩინონ მეცნიერების, ფიზიკის, მათემატიკისა და ტექნოლოგიების ძირითადი პრინციპები საინტერესო და ადვილად აღქმადი გზით.

„სწორედ ამ მიზნით, პოლონეთში, საქართველოს ინოვაციების და ტექნოლოგიების სააგენტოსა და კოპერნიკის სამეცნიერო ცენტრს შორის ურთიერთთანამშრომლობის მემორანდუმი გაფორმდა. GITA -ს დელეგაციას საქართველოს ელჩმა პოლონეთის რესპუბლიკაში დიანა ჟღენტმა უმასპინძლა. ცენტრთან თანამშრომლობით, სააგენტო შეეცდება გაიზიაროს მათი გამოცდილება საგამოფენო ექსპონატების შერჩევისა და შესყიდვისთვის და გამოიყენოს საუკეთესო პრაქტიკა ლაბორატორიის ეფექტიანად აღჭურვისთვის. ამასთან, ქუთაისის ტექნოპარკის ლაბორატორიის სრულად აღჭურვისა და გახსნის შემდგომ, დაიგეგმება კოპერნიკის სამეცნიერო ცენტრის მხრიდან ადგილობრივი ადამიანური რესურსის გადამზადება ექსპონატების ეფექტიანი მართვისა და მოვლა-პატრონობის მიმართულებით.

კოპერნიკის სამეცნიერო ცენტრის გამოცდილება ინტერაქტიული ექსპონატების შექმნასა და ოპერირებაში ეფექტურად წარმოაჩენს კომპლექსურ სამეცნიერო კონცეფციას, რომელიც სრულად შეესაბამება ინოვაციების და ტექნოლოგიების სააგენტოს ამოცანას მოწინავე ინტერაქტიული სამეცნიერო ლაბორატორიის დაარსების შესახებ ქუთაისში.

2012 წელს კოპერნიკის სამეცნიერო ცენტრს მიენიჭა ევროპის წლის მუზეუმის ჯილდო, 2018 წელს გახდა ევროპაში ყველაზე პოპულარული სამეცნიერო მუზეუმი და ასევე, მოიპოვა სხვა მრავალი აღიარება, მათ შორის Prix Ars Electronica და Golden Ticket Award.

კოპერნიკის სამეცნიერო ცენტრი წამყვანი დაწესებულებაა სამეცნიერო განათლების სფეროში. მისი 6 მუდმივი გამოფენის, პლანეტარიუმის, Discovery Park-ისა და 4 ლაბორატორიის შექმნისა და მართვის გამოცდილების გაზიარება კი მნიშვნელოვან ფაქტორს წარმოადგენს საქართველოში მაღალი ხარისხის მსგავსი ტიპის ლაბორატორიის დაარსებისთვის“, - აღნიშნულია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024