აფხაზეთის კულტურის, სპორტის და ახალგაზრდულ საქმეთა სააგენტოს ინიციატივით, ქვეპროგრამის - „გზავნილი აფხაზეთიდან“ ფარგლებში, თბილისში, სოხუმის მოედანზე განსათავსებელი სკულპტურის ესკიზზე ელექტრონული კონკურსი გამოცხადდა. აღნიშნულთან დაკავშირებით ინფორმაციას აფხაზეთის მთავრობა ავრცელებს.
მათი ცნობით, კონკურსში მონაწილეობის მიღება ყველა დაინტერესებულ პირს შეუძლია.
ინიციატივა მიზნად ისახავს ქართულ - აფხაზურ ურთიერთობებში ხელოვნების საშუალებით პოზიტიური კულტურული კავშირის ხელშეწყობას.
ელექტრონული კონკურსის შესახებ დეტალური ინფორმაცია იხილეთ ბმულზე.