ეკონომისტთა V ეროვნული სამეცნიერო კონფერენცია გრიგოლ რობაქიძის სახელობის უნივერსიტეტში

გრიგოლ რობაქიძის სახელობის უნივერსიტეტში საქართველოს ეკონომისტთა V ეროვნული სამეცნიერო კონფერენცია გაიმართა, რომელიც საქართველოს ეკონომისტის პროფესიულ დღეს მიეძღვნა.

გრიგოლ რობაქიძის სახელობის უნივერსიტეტის ინფორმაციით, კონფერენცია ორგანიზებული იყო საქართველოს მეცნიერებათა ეროვნული აკადემიის ეკონომიკურ მეცნიერებათა კომისიის, გრუნის, ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტისა და პაატა გუგუშვილის სახელობის ეკონომიკის ინსტიტუტის მიერ.

მათივე ცნობით, კონფერენციაზე განიხილეს საქართველოს ეკონომიკის პოზიციონირების პრობლემები კონფრონტაციული გლობალიზაციის პირობებში. წარმომადგენლობით ფორუმს 100-მდე მეცნიერ-ეკონომისტი, საქართველოს მეცნიერებათა ეროვნული აკადემიისა და აღამასრულებელი ხელისუფლების წარმომადგენლი ესწრებოდა.

გრიგოლ რობაქიძის სახელობის უნივერსიტეტის ინფორმაციით, კონფერენციის მონაწილეებს პროფესიული დღე მიულოცეს მეცნიერებათა აკადემიის პრეზიდენტმა - აკადემიკოსმა როინ მეტრეველმა, ფინანსთა მინისტრის მოადგილემ - მიხეილ დუნდუამ, გარემოს დაცვისა და სოფლის მეურნეობის მინისტრის მოადგილემ სოლომონ პავლიაშვილმა, კონკურენციის სააგენტოს უფროსის მოადგილემ - ლევან კალანდაძემ და გრუნის რექტორმა მამუკა თავხელიძემ. ფორუმს უძღვებოდა აკადემიკოსი ვლადიმერ პაპავა და გრუნის რექტორის მოადგილე სამეცნიერო საკითხებში, ბიზნესის სკოლის დეკანი, პროფესორი ვახტანგ ჭარაია.

მომხსენებლებმა ეკონომიკური განვითარების პერსპექტივებისა და პოლიტიკის ძირითად გამოწვევებზე ისაუბრეს, განიხილეს მაკროეკონომიკური პრობლემები და სოციალური დემოგრაფიის საკითხები.

„დღევანდელი მსოფლიო ეკონომიკა კონფრონტაციული ხასიათის გახდა მას შემდეგ, რაც დაიწყო რუსეთ-უკრაინის ომი. სად არის საქართველო, როგორ უნდა პოზიციონირებდეს ამ პირობებში, როგორ უნდა განვითარდეს - ამ საკითხებს განვიხილავთ დღეს და მიღებულ გადაწყვეტილებებს წარვუდგენთ საქართველოს მთავრობას...“, - აღნიშნა ვლადიმერ პაპავამ.

ფორუმმა მუშაობა მიმართულებების მიხედვით სექციებად გააგრძელა, დღის ბოლოს კი შედეგები შეაჯამა და სერტიფიკატები გადასცა მონაწილეებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი