ნიკოლოზ სამხარაძე ფინეთის ელჩს შეხვდა

საქართველოს პარლამენტის საგარეო ურთიერთობათა კომიტეტის თავმჯდომარე, ნიკოლოზ სამხარაძე საქართველოში ფინეთის რესპუბლიკის საგანგებო და სრულუფლებიან ელჩს, კირსტი ნარინენს შეხვდა.

პარლამენტის პრესსამსახურის ინფორმაციით, შეხვედრაზე საქართველოსა და ფინეთს შორის არსებულ თანამშრომლობაზე, ორ ქვეყანას შორის საპარლამენტო დონეზე ურთიერთობების განმტკიცებასა და ვიზიტების გააქტიურებაზე ისაუბრეს. ხაზი გაესვა მიმდინარე წელს, საქართველოს პარლამენტის ფინეთთან მეგობრობის ჯგუფის ჰელსინკში დაგეგმილი ვიზიტის მნიშვნელობას.

უწყების ცნობით, მხარეებმა განიხილეს რეგიონული უსაფრთხოების საკითხები, უკრაინაში მიმდინარე რუსული აგრესია და მისი გავლენა გლობალურ უსაფრთხოებაზე, საქართველოს ოკუპირებულ რეგიონებში არსებული რთული ვითარება და რუსეთიდან მომდინარე საფრთხეები.

ნიკოლოზ სამხარაძემ ელჩს ევროპულ და ევროატლანტიკურ სტრუქტურებში ინტეგრაციის გზაზე და12 რეკომენდაციის შესრულების კუთხით გადადგმული ნაბიჯების შესახებ მიაწოდა ინფორმაცია.

მხარეებმა ისაუბრეს ეუთო-ს ფარგლებში საქართველოსა და ფინეთს შორის თანამშრომლობაზე.

შეხვედრაში, ასევე მონაწილეობდა საგარეო ურთიერთობათა კომიტეტის თავმჯდომარის პირველი მოადგილე, ფინეთის რესპუბლიკის პარლამენტთან მეგობრობის ჯგუფის ხელმძღვანელი, მარიამ ლაშხი“,- ნათქვამია ინფორმაციაში.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება