რელიგიის სააგენტოს არაბთა გაერთიანებული საემიროების ელჩი ეწვია

საქართველოს მთავრობის ადმინისტრაციაში, რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე საქართველოში არაბთა გაერთიანებული საემიროების საგანგებო და სრულუფლებიან ელჩს, აჰმედ ალნუაიმის შეხვდა. აღნიშნულთან დაკავშირებით ინფორმაციას რელიგიის სააგენტო ავრცელებს.

მათი ცნობით, ზაზა ვაშაყმაძემ გაერთიანებული საემიროების ელჩს საქართველოს სახელმწიფოს რელიგიური პოლიტიკა და რელიგიის საკითხთა სახელმწიფო სააგენტოს აქტივობები გააცნო ქვეყანაში ტოლერანტული გარემოს დასამკვიდრებლად. მათ შორის, კონფესიების დაფინანსებისა და საკულტო შენობა-ნაგებობების გადაცემის მექანიზმებისა და ადამიანის უფლებათა სამთავრობო-სამოქმედო გეგმის ფარგლებში განხორციელებული ტრენინგების შესახებ. ტოლერანტობის საერთაშორისო დღესთან დაკავშირებით, გაერთიანებული საემიროების ელჩმა სურვილი გამოთქვა, რომ ეს დღე რელიგიის სააგენტოსთან ერთად, საგანგებო ღონისძიებით აღნიშნონ.

სტუმარმა სააგენტოს თავმჯდომარეს გულთბილი მიღებისთვის მადლობა გადაუხადა და სამომავლოდ რელიგიის სააგენტოსთან აქტიური თანამშრომლობის სურვილი გამოთქვა.

შეხვედრა გაცნობით ხასიათს ატარებდა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი