თამარ კორძაია მიუნხენში პრემიერის ჩარტერული რეისით გამგზავრებაზე - ეს ფრენა ღარიბაშვილს ნამდვილად ძალიან ძვირი დაუჯდება

ერთადერთი წითელი ხაზი, სადაც ევროპელები ზედმეტ შეკითხვებს არ სვამენ, დასაბუთებული კორუფციაა და არავის არ ინდობენ კორუმპირებულებს ხელისუფლებებში, - ამის შესახებ ოპოზიციონერმა დეპუტატმა, თამარ კორძაიამ „პალიტრანიუსის“ გადაცემა „პოლიტიკურ სივრცეში“ განაცხადა, რითაც უპასუხა კითხვას, პრემიერ-მინისტრის იმპიჩმენტის დაწყება იქნება თუ არა ხელშემშლელი კანდიდატის სტატუსის მისაღებად, რადგან აღნიშნული პროცესი ქვეყანაში პოლარიზაციას გააღრმავებს.

გადაცემა „პოლიტიკურ სივრცეში“ თამარ კორძაია გამოეხმაურა სახელმწიფო დაცვის სამსახურის ხელმძღვანელის, ანზორ ჩუბინიძის განცხადებასაც, რომ მიუნხენში ირაკლი ღარიბაშვილის ჩარტერული რეისით გამგზავრებისთვის 34 ათასი ევროს ეკვივალენტი ლარში პრემიერის მამამ, ტარიელ ღარიბაშვილმა გადაიხადა.

„ჩვენ არაფერზე არ გვაქვს პასუხები. ოთხი დღის შემდეგ რომ ახსენდებათ, რომ მამამ გადაიხადა, ცოტა არადამაჯერებელია. ეს ფრენა ღარიბაშვილს ნამდვილად ძალიან ძვირი დაუჯდება.

ღარიბაშვილს თვითმფრინავი პირადი საკუთრება ჰგონია და აღმოჩნდა, რომ უფრო მეტი და მეტი ადამიანი გვყავს ამ ქვეყანაში, ვისაც ეს ქვეყანა თავისი ბოსტანი თუ სამფლობელო ჰგონიათ“, - განაცხადა თამარ კორძაიამ.

თამარ კორძაიას თქმით, „ქართული ოცნება“ თავს ისევ წინა ხელისუფლების დანაშაულების გახსენებით იმართლებს, მაგრამ ეს მათ არ ამართლებთ.

„მთელი ამათი თავდაცვა ისევ და ისევ აგებულია 12 წლის წინანდელ, 9 წელზე. სააკაშვილი დღეს არ არის ხელისუფლებაში, მათ ჰყავთ პატიმრობაში და წამებაში, დავანებოთ სააკაშვილს თავი. ეს ერთი და მეორე, სააკაშვილი არ გამოუჭერიათ თვითმფრინავის ასე ზევით-ქვევით ტარებაში და შვილების გადაფრენა-გადმოფრენაში. გასაგებია რაც გააკეთა, პასუხს აგებს, პირად პატიმრობაშია, მძევლად ჰყავთ, მაგრამ ეს ამართლებს იმას, რომ თვითონ ეს გააკეთონ? სამართლებრივ პასუხს ვეტყვი, არა, არსებობს თანასწორობა უკანონობაში, ყველამ უნდა აგოს პასუხი“, - განაცხადა თამარ კორძაიამ.

სახელმწიფო დაცვის სპეციალური სამსახურის ხელმძღვანელმა ანზორ ჩუბინიძემ, საქართველოს პრემიერ-მინისტრ ირაკლი ღარიბაშვილის მიუნხენში ჩარტერული რეისით გამგზავრებასთან დაკავშირებულ ხარჯებზე ისაუბრა და განაცხადა, რომ მიუნხენში ირაკლი ღარიბაშვილის ჩარტერული რეისით გამგზავრებისთვის 34 ათასი ევროს ექვივალენტი ლარში პრემიერის მამამ, ტარიელ ღარიბაშვილმა გადაიხადა.

„მინდა, საზოგადოებას დავუდასტურო, რომ სახელმწიფო დაცვის სპეციალური სამსახურის საჯარო სამართლის იურიდიული პირის უზრუნველყოფის სააგენტოს ანგარიშზე გაკეთებულია შენატანი, რომელიც უზრუნველყოფს თბილისი-მიუნხენი-თბილისის რეისთან დაკავშირებულ ხარჯებს. შენატანი გაკეთებულია კერძო პიროვნების მიერ და ეს თანხა არის 34 ათასი ევროს ექვივალენტი ლარში. თანხა წინსწრებით გადახდილია და შესაბამისად, სავარაუდოა, შესაძლებელია იგი მცირედით დაკორექტირდეს მას შემდეგ, რაც ავიაკომპანია „ჯორჯიან ეარვეისი“ წარმოგვიდგენს დეტალურ ხარჯთაღრიცხვას. წარმოდგენისთვის სჭირდება ხოლმე დაახლოებით რეისის შესრულებიდან თვე-ნახევარი. წარმოდგენისთანავე ჩვენ მოვახდენთ ანგარიშსწორებას. გადახდილი თანხა სრულად უზრუნველყოფს მიმდინარე ხარჯს და არის გარკვეული ფასნამატიც", - განაცხადა ჩუბინიძემ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი