სახელმწიფო მინისტრი თეა ახვლედიანი ანაკლიის ბანაკს სტუმრობდა

სახელმწიფო მინისტრი, თეა ახვლედიანი ანაკლიის ბანაკში 250-მდე ახალგაზრდას შეხვდა. პრესსამსახურის ცნობით, თეა ახვლედიანმა ახალგაზრდების წინაშე სიტყვით გამოსვლისას განსაკუთრებული ყურადღება დაუთმო უწყების კომპეტენციაში შემავალი როგორც შერიგებისა და ჩართულობის, ასევე სამოქალაქო თანასწორობისა და ინტეგრაციის პოლიტიკის პრიორიტეტების მნიშვნელობის განმარტებას.

„სახელმწიფო მინისტრის აპარატის მიერ ახალგაზრდებთან ინტენსიური კომუნიკაციისა და ფართომასშტაბიანი თანამშრომლობისთვის მინიჭებული როლის გათვალისწინებით, თეა ახვლედიანმა ქვეყნის განვითარებისთვის უმნიშვნელოვანეს პროცესებში ახალგაზრდა თაობის ჩართულობის პერსპექტივებს და შესაძლებლობებს გაუსვა ხაზი. საინფორმაციო-შემეცნებითი ხასიათის შეხვედრა ინტერაქციულ რეჟიმში წარიმართა.

დასასრულს, სახელმწიფო მინისტრმა ბანაკის მონაწილე 14-დან 18 წლამდე ახალგაზრდებს ახალი სასწავლო წლის დაწყება მიულოცა და წარმატებები უსურვა. ახალგაზრდული ბანაკი საქართველოს კულტურის, სპორტისა და ახალგაზრდობის სამინისტროს მხარდაჭერით ფუნქციონირებს და საქართველოს სხვადასხვა რეგიონიდან ახალგაზრდებს შესაძლებლობა აქვთ, ჩაერთონ საკვანძო კომპეტენციების განმავითარებელ, რეკრეაციულ, სპორტულ და შემეცნებით აქტივობებში“,-აღნიშნულია ინფორმაციაში.

"ახალი სასწავლო წლის დაწყების წინ ამჯერად ანაკლიის ბანაკში შევხვდით, საქართველოს სხვადასხვა რეგიონიდან შეკრებილ ახალგაზრდებს, რომელთაც დეტალურად გავაცანით როგორც ჩვენი მრავალეთნიკური საზოგადოების შემდგომი განმტკიცებისა და ინტეგრაციის პრიორიტეტები, ასევე სამშვიდობო პროცესი, რომელიც ოკუპირებულ რეგიონებთან მიმართებით, ჩართულობის პოლიტიკის ფარგლებში ხორციელდება შერიგებისა და ნდობის აღდგენისკენ მიმართული სამშვიდობო ინიციატივებით. შედგა ძალიან აქტიური დისკუსია, ახალგაზრდებმა გამოხატეს დიდი ინტერესი ორივე მიმართულებით, რაც იყო ძალიან მისასალმებელი და სასიხარულო, განსაკუთრებით იმის გათვალისწინებით, რომ ჩვენი რეგულარული ძალისხმევის ერთ-ერთი მთავარი მიზანი და გაცხადებული პრიორიტეტია, რომ ხელი შევუწყოთ არსებული შესაძლებლობებისა და აქტუალური საკითხების თაობაზე ახალგაზრდების ცნობიერების ამაღლებას და სახელმწიფო პოლიტიკის განხორციელების პროცესში მათი ჩართულობის გაზრდასა და როლის გაძლიერებას," - განაცხადა თეა ახვლედიანმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024