ირაკლი პეტრიაშვილი ავსტრიის საგარეო საქმეთა სამინისტროს, ტექნოლოგიური ინსტიტუტისა და ავსტრიის თავდაცვის სამინისტროს წარმომადგენლებს შეხვდა

ირაკლი პეტრიაშვილი ავსტრიის საგარეო საქმეთა სამინისტროს სამოქალაქო კრიზისების მართვის, მშვიდობის, უსაფრთხოებისა და განვითარების დეპარტამენტის ხელმძღვანელს, ფილიპ აგათონისისს, ავსტრიის ტექნოლოგიური ინსტიტუტისა და ავსტრიის თავდაცვის სამინისტროს წარმომადგენლებს შეხვდა.

ინფორმაციას პროფესიული კავშირების გაერთიანება ავრცელებს.

მათივე ინფორმაციით, შეხვედრა ავსტრიის საელჩოში გაიმართა.

„მხარეებმა საოკუპაციო ხაზთან მცხოვრები მოსახლეობის სოციალურ და ეკონომიკურ გამოწვევებზე, საქართველოს ევროკავშირში ინტეგრაციის სხვადასხვა ასპექტზე, მათ შორის, შრომითი უფლებების მიმართულებით გატარებულ რეფორმებზე, ოკუპირებულ რეგიონებში ადამიანის უფლებების დარღვევის ფაქტებზე და სამშვიდობო პოლიტიკაში პროფკავშირების ჩართულობის მნიშვნელობაზე ისაუბრეს.

ირაკლი პეტრიაშვილმა ხაზი გაუსვა, ევროპული სტანდარტების დანერგვის მნიშვნელობას შრომით ურთიერთობებში, მათ შორის, საუბარი შეეხო მინიმალური ხელფასის, უმუშევრობის დაზღვევის და ეფექტური სოციალური დიალოგის დანერგვის აუცილებლობას საქართველოში.

დელეგაციის წევრებმა, ასევე, შეხვედრები გამართეს ევროკავშირის სადამკვირვებლო მისიაში, საქართველოს პარლამენტში, საგარეო საქმეთა სამინისტროსა და სხვადასხვა უწყებაში“,-აღნიშნულია გავრცელებულ ინფორმაციაში.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა