ანა ნაცვლიშვილი - სახელმწიფოს ამ დრომდე არ აქვს შოვში დაზარალებულების სია და არ იციან, ვის რა ინდივიდუალური საჭიროება აქვს

პარტია „ლელო საქართველოსთვის“ დეპუტატი ანა ნაცვლიშვილი სოციალურ ქსელში ეხმიანება სახელმწიფოს მხრიდან რეაგირებას, დეპუტატის მიერ გაგზავნილ კონკრეტულ შეკითხვეაზე, თუ რას აპირებს სახელწმიფო შოვში დაზარალებულებისთვის სამედიცინო და სოციალური საჭიროებების დასაკმაყოფილებლად. როგორც დეპუტატი წერს უწყებას ამ დრომდე არ აქვს ოფიციალური სია შოვის მოვლენების შედეგად დაზარალებული ადამიანების და ცხადია, არც ის აქვთ შესწავლილი - ვის რა ინდივიდუალური საჭიროება აქვს სამედიცინო თუ სოციალური კუთხით.

„ასეთი გულისხმიერი, სწრაფი და ეფექტიანია სახელმწიფო შოვში გადარჩენილების მიმართ! რომ დასცინა და ეჭვქვეშ დააყენა მათი ბრძოლა გადარჩენისთვის, ეს ყველამ ვნახეთ. მას შემდეგ, რაც ვუსმინე დაზარალებულებს და მივხვდი, რომ სახელმწიფო არც კი ფიქრობდა, რამე გაეკეთებინა მათთვის, ოფიციალურად მივწერე და დავსვი ეს საკითხი ა.წ. 22 აგვისტოს. რას აპირებთ მათი სამედიცინო და სოციალური საჭიროებების დასაკმაყოფილებლად? - ეს იყო ჩემი კითხვა. ცოტა შეფხიზლდნენ, როგორც ჩანს, და ა.წ. 30 აგვისტოს გამოსცეს აქტი (ცვლილება), რომლითაც განისაზღვრა ფსიქოლოგის ან ფსიქიატრის კონსულტაცია მათთვის, სახელმწიფოს ხარჯზე.

მაგრამ! გაგიკვირდებათ და ამ დრომდე შოვის მოვლენების შედეგად დაზარალებული ადამიანების ოფიციალური სია არ აქვთ და ცხადია, არც ის აქვთ შესწავლილი - ვის რა ინდივიდუალური საჭიროება აქვს სამედიცინო თუ სოციალური კუთხით. იქნებ სხვა საჭიროება აქვს ამ ხალხს და არა ფსიქოლოგის? ან სხვა რამე სჭირდებათ სამედიცინო (მაგ. თერაპევტი) თუ სხვა კუთხით?

მხოლოდ ჩემი წერილის შემდეგ გაახსენდათ თავისი ვალდებულება, 30-ში გამოსცეს აქტი და 12 სექტემბერს მწერენ, ჯერ დაზარალებულების სია არ გვაქვს და უწყებებიდან ველოდებითო. (სახელმწიფო უწყებებს შორის რა ხარისხის კომუნიკაცია და კოორდინაციაა, თავად განსაჯეთ)

ამასთან, საკითხზე არსად არავის სიტყვა არ უთქვამს საჯაროდ, არც ერთ თანამდებობის პირს და უწყებას არ მიუმართავს დაზარალებულებისთვის და არ უთქვამს, რომ მათ აქვთ უფლებები და სახელმწიფო მათ უფლებებს საჭიროებებს მიხედავს. რატომ ვჩქარობთ?! რატომ ვბრაზობთ?!

დაველოდოთ რა კიდევ რამდენიმე თვე, სანამ სტრესი და საჭიროებები არ გადაივლის და ამ ადამიანებს მარტო არ მოუწევთ მათთან გამკლავება.

იმაზე არ გავაკეთებ კომენტარს, ეს სერვისი რამდენად ხელმისაწვდომი იქნება ტერიტორიულად, განსაკუთრებით თბილისის გარეთ მცხოვრები ადამიანებისთვის (ფორმულირებას დააკვირდით).

არც იმას ვიტყვი, რომ პასუხის მოცემის ვადა დაარღვიეს, რატომ, ამას თავადაც მიხვდით უკვე.

პ.ს. ასეთია რეალობა. შოვზე ძიებას ვაგრძელებ“,- წერს ანა ნაცვლიშვილი.

ინფორმაციას პარტია „ლელო საქართველოსთვის“ ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024