შემოსავლების სამსახურის მხარდაჭერით მიმდინარე „სარტყელი და გზის ინიციატივის“ რიგით მეოთხე ფორუმი დასრულდა

ფინანსთა სამინისტროს შემოსავლების სამსახურის მხარდაჭერით მიმდინარე, „სარტყელი და გზის ინიციატივის“ ფორუმის ფარგლებში, შემუშავებული საგადასახადო ადმინისტრაციათა თანამშრომლობის მექანიზმის „BRITACOM“-ის რიგით მეოთხე წლიური ფორუმი ოფიციალურად დასრულებულია. ინფორმაციას ფინანსთა სამინისტროს შემოსავლების სამსახური ავრცელებს.

მათივე ცნობით, სამდღიანი ფორუმი შემოსავლების სამსახურის უფროსის მოადგილემ, პაატა კილაძემ და BRITACOM-ის სამდივნოს აღმასრულებელმა მდივანმა, ვანგ დაოშუმ შეაჯამეს. პაატა კილაძემ საერთაშორისო ფორუმის მონაწილეებს ნაყოფიერი მუშაობისთვის მადლობა გადაუხადა და ,,სარტყელი და გზის ინიციატივის“ საკმაოდ მაღალი დონის პლატფორმის ეფექტური გამოყენების მნიშვნელობა ხაზგასმით აღნიშნა.

პლენარული სხდომის ფარგლებში, შემოსავლების სამსახურის უფროსის მოადგილემ, პაატა კილაძემ, მასპინძელი ქვეყნის სახელით, „BRITACOM“-ის მომდევნო თავმჯდომარე ქვეყნის ჰონგ კონგის შიდა შემოსავლების დეპარტამენტის კომისიონერს, სიმბოლურად, ორგანიზაციის დროშა გადასცა, რითაც ის ერთი წლის განმავლობაში (2024/2025 წლების ვადით), „BRITACOM“-ის პრეზიდენტად დასახელდა.

,,ბატონო ტიმ ტაი პანგ, გილოცავთ მომდევნო ფორუმის მასპინძლობის პატივს, ჩემთვის სასიამოვნოა გადმოგცეთ ,,BRITACOM“-ის დროშა, რომელიც ძალიან მნიშვნელოვანი და საპასუხისმგებლო ესტაფეტაა“, - აღნიშნა შემოსავლების სამსახურის უფროსის მოადგილემ.

„BRITACOM-ი „სარტყელი და გზის ინიციატივის“ წევრი ქვეყნების ასამდე საგადასახადო ადმინისტრაციის გაერთიანებას წარმოადგენს, ხოლო მრჩეველთა საბჭოს წევრები წამყვანი საერთაშორისო საგადასახადო ორგანიზაციების ხელმძღვანელი პირები და ექსპერტები არიან. აღნიშნული კონფერენცია წელიწადში ერთხელ იმართება და მას ,,BRITACOM“-ის პრეზიდენტი ქვეყნის ადმინისტრაცია მასპინძლობს“, - აღნიშნულია ინფორმაციაში.

ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა