გიორგი ბარამიძე - ნიკა მელიას ეს არ უნდა ეკადრა - არავინ უნდა იკადროს, რომ აბუჩად აიგდოს პრეზიდენტ სააკაშვილის სიტყვები

დამცინავად თქმა, თითქოს მხოლოდ სადღეგრძელოა და არაფერი სერიოზული არ არის, არის ძალიან სამწუხარო და არასერიოზული და ნიკას ეს არ უნდა ეკადრა, - ამის შესახებ „ნაციონალური მოძრაობის" წევრმა გიორგი ბარამიძემ განაცხადა, რითაც გამოეხმაურა პარტიის ყოფილი თავმჯდომარის ნიკა მელიას განცხადებას, რომ სადღეგრძელოს სახით ერთობაზე საუბარი არ არის საკმარისი, როდესაც კედელი ჩამონგრეულია, უნდა ააშენო.

მისივე თქმით, არავინ არ უნდა იკადროს, რომ აბუჩად აიგდოს პრეზიდენტ სააკაშვილის სიტყვები.

„ძალიან სამწუხაროა, რომ ნიკა იქნება თუ ნებისმიერი სხვა ადამიანი, მითუმეტეს ისინი ვინც „ნაციონალური მოძრაობის" ხელმძღვანელობაში იყვნენ, ვერ გააცნობიერებენ მიხეილ სააკაშვილის სიტყვების მნიშვნელობას, არასერიოზულად მოეკიდებიან მას და პრაქტიკულად, შეურაცხყოფას მიაყენებს, რომ თითქოს ეს სადღეგრძელოა.

მიხეილ სააკაშვილის განცხადება ეძღვნება იმას, რომ ყველამ ჩვენი პირადი წყენები, ამბიციები უნდა გადავწიოთ უკანა პლანზე და წინა პლანზე დავაყენოთ საქართველოს ინტერესები. ეს ნიშნავს ერთიანობას, ერთად ბრძოლას, საქართველოს მშვიდობიანად გათავისუფლებას ამ რეჟიმისაგან.

როდესაც ასეთ სერიოზულ და მნიშვნელოვან მოწოდებას, რომელსაც პრეზიდენტი აკეთებს ჩვენი გუნდის წევრების მიმართ მითუმეტეს „ნაციონალური მოძრაობის" ყოფილმა თავმჯდომარემ სერიოზულად უნდა აღიქვას და არა როგორც მან - დამცინავად და შეურაცხმყოფლად მოიხსენია, როგორც სადღეგრძელო. ჩემთვის სადღეგრძელო არასდროს არ არის არასერიოზულად ნათქვამი, ქართული ტრადიციით კაცი ყოველთვის იმას ლაპარაკობს სადღეგრძელოში რასაც გულით ფიქრობს, ეს ერთგვარი ლოცვაც არის, ამიტომ ამ თვალსაზრისითაც რაღაც დამცინავად თქმა, თითქოს მხოლოდ სადღეგრძელოა და არაფერი სერიოზული არ არის, არის ძალიან სამწუხარო და არასერიოზული და ნიკას ეს არ უნდა ეკადრა. არავინ არ უნდა იკადროს, რომ აბუჩად აიგდოს პრეზიდენტ სააკაშვილის სიტყვები. მე ვფიქრობ ახლა სახუმაროდ არ გვაქვს არავის საქმე, ახლა ძალიან მძიმე დღეშია ჩვენი ქვეყანა, დაუფლებულია რუსული მაფია, ბანდიტები და ქვეყნის მოღალატეები და ჩვენი პასუხისმგებლობაა შევეცადოთ საზოგადოების კონსოლიდაცია", - განაცხადა ბარამიძემ.

ის ასევე გამოეხმაურა ნიკა მელიას კიდევ ერთ განცხადებას, რომ პარტიის მენეჯმენტმა პოლიტიკური საბჭო, დაახლოებით 80 ადამიანი, პრაქტიკულად, გაყარა პარტიიდან და აღნიშნა, რომ ეს ტყუილია.

ბარამიძის თქმით, პარტიის კრიტიკა აბსოლუტურად ნორმალურია, მაგრამ ლანძღვა და ნებით თუ უნებლიედ "ქოცების" წისქვილზე წყლის დასხმა არის აბსოლუტურად მიუღებელი და თუ ვინმე ამას აპირებს, სჯობს თვითონ გავიდნენ პარტიიდან.

„ნაციონალურ მოძრაობას" არავინ არ გაუყრია, ეს არის ტყუილი და ასეთი ტყუილი არ უნდა იკადროს არავინ. რაც შეეხება შეცდომებს - შეცდომები იყო და ამის თაობაზე მეც ვისაუბრე, ეს ეხებოდა პოლიტსაბჭოს არჩევას.

პარტიის კრიტიკა აბსოლუტურად ნორმალურია, მაგრამ ლანძღვა და ნებით თუ უნებლიედ „ქოცების" წისქვილზე წყლის დასხმა არის აბსოლუტურად მიუღებელი. თუ ვინმე ამას აპირებს, ჯობია თვითონ გავიდნენ პარტიიდან, თავის გზას მიხედონ, ღმერთმა ხელი მოუმართოს. პრეზიდენტ სააკაშვილის სიტყვებს გავახსენებ ყველას - ჩვენგან გავიდა ძალიან ბევრი ნიჭიერი და უნარიანი პოლიტიკოსი, მაგრამ საზოგადოებამ მათ ელექტორალურად თავისი ადგილი მიუჩინა, განულდნენ. არა იმიტომ, რომ ისინი პიროვნულად ცუდი ადამიანები არიან, არამედ, როდესაც მოწყდები მთავარ გუნდს ელექტორალურად სახელმწიფო ასე რეაგირებს. ამიტომ ვინც გავა ყველა ასე განულდება, არ აქვს მნიშვნელობა სახელს და გვარს. 2012 წლიდან "ნაციონალური მოძრაობიდან" რამდენიმე წყებად გავიდა პოლიტიკური ჯგუფის წარმომადგენლები და ფაქტობრივად, ყველამ ეს ფიასკო განიცადა", - განაცხადა გიორგი ბარამიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024