პროფესიული უნარების სააგენტოს ორგანიზებით, ინტეგრირებული ზოგადი მოდულების 50-მდე მასწავლებლებისთვის საქართველოს 10 რეგიონიდან, მოსამზადებელი ტრენინგები ჩატარდა

პროფესიული უნარების სააგენტოს ორგანიზებით ინტეგრირებული ზოგადი მოდულების 50-მდე მასწავლებლებისთვის საქართველოს 10 რეგიონიდან, შესავალი და საგნობრივი ტრენინგები ჩატარდა.

პროფესიული უნარების სააგენტოს ინფორმაციით, ტრენინგების მიზანია პროფესიულ საგანმანათლებლო პროგრამაში ზოგადი განათლების საშუალო საფეხურის სწავლის შედეგების ინტეგრირების პრინციპებისა და ინტეგრირებული ზოგადი მოდულების საფუძველზე სასწავლო პროცესის დაგეგმვის, წარმართვისა და სტუდენტთა შეფასების მიდგომების გაცნობა.

ტრენინგები ინტეგრირებული ზოგადი მოდულების მასწავლებლებისთვის სხვადასხვა საგნობრივი მიმართულებით შეხვედრებს ითვალისწინებდა, მათ შორის: მათემატიკური წიგნიერება; მოქალაქეობა; კომუნიკაცია ქართულ ენაზე; მეცნიერება და ტექნოლოგიები.

„საგნობრივი ტრენინგების მიმდინარეობისას პროფესიული მასწავლებლები სიღრმისეულად გაცნენ სასწავლო პროცესის ინტეგრირებული ზოგადი მოდულების მოთხოვნების შესაბამისად დაგეგმვისა და წარმართვის სპეციფიკასა და ინტეგრირების პრინციპებს, ისევე, როგორც სტუდენტების შეფასების მიდგომებს. აღსანიშნავია, რომ წელს პირველად, ტრენინგი თავად პროფესიულმა მასწავლებლებმა წარმართეს.

ტრენინგის მსვლელობისას, პროფესიული უნარების სააგენტოს გენერალური დირექტორი, თამარ ქიტიაშვილი მონაწილეებს მიესალმა და ინტეგრირებული პროგრამების მნიშვნელობაზე, დანერგვაში არსებულ გამოწვევებსა და სამომავლო გეგმებზე ისაუბრა.

პროფესიული განათლების საფეხურზე ზოგადი განათლების საშუალო საფეხურის ინტეგრირების პროცესის მხარდასაჭერად, ამავდროულად, მიმდინარეობს მასწავლებელთა ქოუჩინგის პროგრამა და სასწავლო რესურსების განვითარება.

მნიშვნელოვანია, რომ სააგენტოს ხელშეწყობით შეიქმნა ინტეგრირებული ზოგადი მოდულების მასწავლებელთა დარგობრივი ქსელი, რომელიც სწავლა-სწავლების ხარისხის გაუმჯობესებასა და ურთიერთთანამშრომლობის განვითარებას ისახავს მიზნად“,- ნათქვამია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024