საქართველოს პრემიერ-მინისტრის ხელმძღვანელობით მთავრობის ადმინისტრაციაში ეკონომიკური საბჭოს სხდომა გაიმართა

საქართველოს პრემიერ-მინისტრ ირაკლი ღარიბაშვილის ხელმძღვანელობით მთავრობის ადმინისტრაციაში ეკონომიკური საბჭოს სხდომა გაიმართა. ამის შესახებ ინფორმაციას მთავრობის ადმინისტრაცია ავრცელებს.

მათივე ცნობით, საბჭოს წევრებმა ქვეყანაში ეკონომიკის მიმართულებით არსებული დადებითი ტენდენციები მიმოიხილეს.

„სხდომაზე აღინიშნა, რომ ქვეყანაში უცხოური ინვესტიციების რეკორდული მატება აღინიშნება, კერძოდ, საქართველოში განხორციელებული პირდაპირი უცხოური ინვესტიციების მოცულობამ 2023 წლის მეორე კვარტალში 505.7 მლნ. აშშ დოლარი შეადგინა, რაც 2022 წლის მეორე კვარტლის დაზუსტებულ მონაცემებზე 29.9 პროცენტით მეტია.

განიხილეს საგარეო ვაჭრობის მაჩვენებლების ზრდის ტენდენცია. აღინიშნა, რომ 2023 წლის აგვისტოში სავაჭრო ბრუნვა 1,766.1 მლნ აშშ დოლარით განისაზღვრა. იანვარ-აგვისტოში სავაჭრო ბრუნვა გაიზარდა 16.8 პროცენტით და 14,001.1 მლნ. აშშ. დოლარი შეადგინა.

რაც შეეხება ექსპორტის მაჩვენებლებს, იანვარ-აგვისტოში ექსპორტი 14.3 პროცენტით გაიზარდა და 4,075.5 მლნ. აშშ. დოლარს გაუტოლდა.

რაც შეეხება იმპორტის მაჩვენებლებს, 2023 წლის იანვარ-აგვისტოში იმპორტი 17.8%-ით გაიზარდა და 9,925.7 მლნ. აშშ. დოლარს გაუტოლდა.

შეხვედრაზე განიხილეს ტრანსპორტისა და ლოგისტიკის მიმართულებით საქართველოში მიმდინარე და დაგეგმილი მსხვილი საინვესტიციო პროექტების მიმდინარეობა. კერძოდ, განხილული იქნა ანაკლიის პორტის განვითარების საკითხი. მოისმინეს კერძო პარტნიორის შერჩევის შესახებ ინფორმაცია.

საბჭოს სხდომაზე იმსჯელეს „საქართველოს რკინიგზის" მოდერნიზაციის პროექტის ფარგლებში მიმდინარე სამუშაოებზე. აღინიშნა, რომ რკინიგზის მოდერნიზაციის შემდეგ, რომელიც 2024 წელს დასრულდება, ტვირთის გამტარუნარიანობა გაორმაგდება.

შეხვედრაზე რთველის მიმდინარეობის პროცესი განიხილეს. 13 სექტემბრის მონაცემებით, ჯამში, გადამუშავებულია 51 ათასამდე ტონა ყურძენი, აქედან: 27 ათას ტონამდე - რქაწითელი, 20 ათას ტონამდე - საფერავი, 1,54 ათასი ტონა - კახური მწვანე და დანარჩენი სხვადასხვა ჯიშის ყურძენია. მოსავალი საწარმოებს 5600 მევენახე ფერმერმა ჩააბარა”, - ნათქვამია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024