ჯაბა სამუშიამ პირველკურსელ სტუდენტებს სპეციალურად მათთვის შექმნილი ახალი პროექტი გააცნო

თბილისის სახელმწიფო უნივერსიტეტის პირველკურსელთათვის ახალი პროექტი დაიწყო, რომლის ფარგლებშიც, სტუდენტები უნივერსიტეტის ისტორიასა და იმ სერვისებს გაეცნობიან, რომელსაც თსუ მათ სთავაზობს.

ინფორმაციას თბილისის სახელმწიფო უნივერსიტეტი ავრცელებს.

თსუ-ს ინფორმაციით, პროექტის ფარგლებში, თსუ-ს რექტორი და აკადემიკოსი, ჯაბა სამუშია სტუდენტების სხვადასხვა ნაკადს უნივერსიტეტის პირველ კორპუსში შეხვდა და იქ არსებული გარემო დაათვალიერებინა.

სტუდენტებთან შეხვედრისას, რექტორმა ყურადღება უნივერსიტეტის მიზნებსა და ღირებულებებზე გაამახვილა. ვრცლად ისაუბრა საერთაშორისო გაცვლით პროგრამებზე, სტიპენდიებზე, სტუდენტურ პროექტებსა და ყველა იმ შესაძლებლობაზე, რასაც სტუდენტები უნივერსიტეტისგან მიიღებენ.

„თქვენ ხართ კავკასიაში ყველაზე დიდი და ცნობილი უნივერსიტეტის სტუდენტები, უნივერსიტეტის, რომელმაც, ფაქტობრივად, მე-20 საუკუნის საქართველო შექმნა. ყველა დიდი მეცნიერი, რომელიც ქართულ სამეცნიერო აზრს ქმნიდა და რომლის სახელიც შეიძლება გვახსოვდეს, დაკავშირებულია თსუ-სთან. გისურვებთ უნივერსიტეტის წლები თქვენთვის ყოფილიყოს ყველაზე ძვირფასი. გახსოვდეთ, რომ თქვენ ხართ უნივერსიტეტელები, გიყვარდეთ თსუ, მიიღეთ ხარისხიანი განათლება და შექმენით ჩვენი ქვეყნის ხვალინდელი დღე“, - მიმართა ჯაბა სამუშიამ სტუდენტებს.

თსუ-ს ინფორმაციით, შეხვედრის ფარგლებში, რექტორმა პირველკურსელებს უნივერსიტეტის მუზეუმები, ბიბლიოთეკა, სააუდიტორიო სივრცეები და პანთეონი დაათვალიერებინა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს