ბაია პატარაია - სქესობრივი დანაშაულები ერთ-ერთი ყველაზე ფარული და რთული დანაშაულია საქართველოში - ჯერ კიდევ არ გვაქვს საერთაშორისო სტანდარტებთან შესაბამისი კანონმდებლობა

სქესობრივი დანაშაულები ერთ-ერთი ყველაზე ფარული და რთული დანაშაულია საქართველოში - თანხმობის ნაკლებობა, კანონმდებლობის მიხედვით კვლავ არ ითვლება გაუპატიურებად, - ამის შესახებ არასამთავრობო ორგანიზაცია "საფარის" ხელმძღვანელმა ბაია პატარაიამ ჟურნალისტებთან განაცხადა.

მისივე თქმით, უმნიშვნელოვანესია შეიცვალოს და დაიხვეწოს კანონმდებლობა, შესაბამისობაში მოვიდეს საერთაშორისო სტანდარტებში, თანხმობის ნაკლებობა კი გაუპატიურებად უნდა ჩაითვალოს.

„სქესობრივი დანაშაულები ერთ-ერთი ყველაზე ფარული და რთული დანაშაულია საქართველოში. ჩვენ, ჯერ კიდევ არ გვაქვს საერთაშორისო სტანდარტებთან შესაბამისი კანონმდებლობა. თანხმობის ნაკლებობა, კანონმდებლობის მიხედვით კვლავ არ ითვლება გაუპატიურებად. ეს ჩამორჩენაა როგორც საერთაშორისო კონვენციებთან, ისე საუკეთესო პრაქტიკასთან. ეს საკანონმდებლო ხარვეზი, პრაქტიკასა და მუშაობაში იწვევს ძალიან ბევრ პრობლემას.

დღეს ვისაუბრებთ, სპეციალური საჭიროების ქალებზე, რომელთაც განსაკუთრებული პრობლემები აქვთ, ესენი არიან შშმ პირები, უცხოელი მოქალაქეები და სხვა. მართალია სპეციალიზაცია პროკურატურაში და შსს-ში მოხდა და გაუმჯობესდა მათი მუშაობა, მაგრამ სასამართლოში ეს ასე არ არის. ხშირად საქმეებს პრობლემა სასამართლოში ექმნებათ.

უმნიშვნელოვანესია შეიცვალოს და დაიხვეწოს კანონმდებლობა, ის შესაბამისობაში მოვიდეს საერთაშორისო სტანდარტებში, თანხმობის ნაკლებობა გაუპატიურებად უნდა ჩაითვალოს.

მეორე მხრივ, უნდა ვისაუბროთ, მსხვერპლზე ორიენტირებული მართლმსაჯულებისთვის რა უნდა გაკეთდეს. გენდერული მგრძნობელობა დაბალია, ქალები მართლმსაჯულების სისტემაში თავს დაცულად არ გრძნობენ, ბევრი პრობლემა ექმნებათ, მათ შორის, სახელმწიფო უწყებებიდან”,- აღნიშნა პატარაიამ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი