თაზო დათუნაშვილი - რეისი, რომლითაც ღარიბაშვილმა იმგზავრა, არ ღირდა 34 ათასი ევრო - საბაზრო ფასი 110 ათასი ევროდან 130 ათას ევროს ფარგლებშია

ღარიბაშვილმა კორუფციული გარიგებისა და თანამდებობის ბოროტად გამოყენების გზით მოახერხა და ბორტი ნომერი 1-ით იმგზავრა,- ამის შესახებ „ლელოს“ წევრმა თაზო დათუნაშვილმა ბრიფინგზე განაცხადა. მან პრემიერ-მინისტრ ირაკლი ღარიბაშვილის აშშ-ში განხორციელებულ ვიზიტთან დაკავშირებით დამატებითი ახსნა-განმარტებების გაკეთება მოითხოვა და აღნიშნა, რომ რეისის საბაზრო ფასი, რომლითაც ირაკლი ღარიბაშვილმა და მისმა ოჯახმა იმგზავრა, 110 ათასი ევროდან 130 ათას ევრომდე ფარგლებში მერყეობს.

„საბაზრო ფასი თამაშობს 110 ათასი ევროდან 130 ათას ევროს ფარგლებში. ვერსია, რომლის მიხედვითაც, ბატონი ჩუბინიძე ცდილობს საქართველოს მოსახლეობა მოატყუოს ამ სკანდალთან დაკავშირებით და უთხრას, რომ პრემიერ-მინისტრის ოჯახმა შეიტანა 34 ათასი ევრო საქართველოს ბიუჯეტის ხაზინაში, ეს ვერსია არის ძალიან პრობლემური. ეს წარმოადგენს პირდაპირ კორუფციას, თანამდებობის ბოროტად გამოყენებას. გამოდის, რომ სახელმწიფომ კომერციული მიზნით მიაქირავა თვითმფრინავი კერძო პირ ღარიბაშვილს, რომელმაც ამ თვითმფრინავში არასაბაზრო ფასი გადაიხადა. მეტიც, საბაზრო ფასთან შედარებით სადღაც ალბათ, 20-30%, რაც ნიშნავს იმას, რომ სახელმწიფომ საშუალოდ 80-90 ათასი ევროს მოგება იზარალა. გამოდის, რომ ღარიბაშვილმა კორუფციული გარიგებისა და თანამდებობის თანამდებობის ბოროტად გამოყენების გზით მოახერხა და ბორტი ნომერი 1-ით იმგზავრა. არ მგონია, რომ ნებისმიერი მოქალაქე, რომელიც განაცხადს გააკეთებს ბორტი ნომერი 1-ის დაქირავებაზე, იგივე ფასში შესთავაზონ. თუ იგივე ფასში სთავაზობენ, მაშინ ამ ბორტის გაქირავების კომერციული მიზანი ამ ტრანზაქციიდან მთლიანად ამოგდებულია. შესაბამისად, ყველაფერი ეს არის კორუფცია, რომლითაც საქართველოს ბიუჯეტმა იზარალა“,- განაცხადა დათუნაშვილმა.

მისი განმარტებით, "რა მტკიცებულებების ფაბრიკაციაც არ უნდა მოხდეს ახლა სპეციალური დაცვის სამსახურში, ფაქტი სახეზეა, რომ ეს რეისი არ ღირს 34 ათასი ევრო".

„ეს რეისი არ ღირდა 34 ათასი ევრო. ეს რეისი ღირდა 4-ჯერ უფრო ძვირი. ამიტომ, ბატონმა ჩუბინიძემ ახლა განმარტება უნდა გააკეთოს, თუ რა ეკონომიკურ გათვლებს აწარმოებს მისი ორგანო, როდესაც კომერციული მიზნით აქირავებს ბორტ ნომერ 1-ს“,-განაცხადა დათუნაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024