კლინიკა „ვივამედის“ კლინიკური დირექტორი, ზურაბ ჩხაიძე უარყოფს ინფორმაციას, რომ ბოლო 2 დღეში, ქუთაისის N2 დაწესებულებიდან მათთან 20-მდე პატიმარი გადაიყვანეს.

როგორც მან„ინტერპრესნიუსს“ განუცხადა, ქუთაისიდან პატიმრების „გადმოყვანა არ მომხდარა“.

ცნობისთვის, მედიაში გავრცელებული ინფორმაციის თანახმად, ქუთაისის N2 დაწესებულებიდან ბოლო ორი დღის განმავლობაში 20 პატიმარი კლინიკა „ვივამედში“ სამკურნალოდ გადაიყვანეს.

მედიასაშუალებები ადვოკატ ლედი ტუკვაძეზე დაყრდნობით წერენ, რომ პატიმრებმა თვითდაზიანებები მიიყენეს. ამასთან, აღნიშნა, რომ პატიმრები უხარისხო კვებას, ადმინისტრაციის მხრიდან არაადამიანურ მოპყრობასა და ციხეში სამედიცინო დახმარების არ არსებობას აპროტესტებდნენ.