ადვოკატ ლედი ტუკვაძის განცხადებით, ქუთაისის N2 დაწესებულებიდან დაახლოებით 20-მდე პატიმარი კლინიკა „ვივამედში“ სამკურნალოდ გადაიყვანეს

ადვოკატ ლედი ტუკვაძის განცხადებით, ქუთაისის N2 დაწესებულებიდან დაახლოებით 20-მდე პატიმარი კლინიკა „ვივამედში“ სამკურნალოდ გადაიყვანეს. ამის შესახებ ლედი ტუკვაძემ „ინტერპრესნიუსს“ განუცხადა,

„ისინი, სავარაუდოდ ის პატიმრები არიან, რომლებსაც ჯანმრთელობის პრობლემები ჰქონდათ. მათ პროტესტიც ჯანმრთელობის მდგომარეობას, არასათანადო კვებას და არასათანადო სამედიცინო დახმარებას უკავშირდება. სხვისი ინფორმაციით ვიცი, რომ თვითდაზიანების ფაქტებიც იყო. ძალიან მნიშვნელოვანია, გაირკვეს ვისი ბრალეულობით დაიწყო ამდენმა პატიმარმა პროტესტი. უნდა დადგინდეს, საქმე გვაქვს სისტემურ დანაშაულთან, თუ ციხის ახლანდელი დირექტორის, გოჩა კანდელაკის არასწორ მენეჯმენტთან. ეს არის ძალიან მნიშვნელოვანი საკითხი, რომელიც აუცილებლად უნდა გაირკვეს და საზოგადოება ამასთან დაკავშირებით ინფორმირებული იყოს. ვიცი, რომ ხუთ საკანში დაიწყო ეს პროტესტი“,-განაცხადა ადვოკატმა.

ლედი ტუკვაძის თქმით, თუ ციხეში პირობები არ გამოსწორდება, ალბათ, პატიმრების მხრიდან შესაბამის პროტესტი იქნება.

„ყველაზე მძიმე მდგომარეობაში არიან ფსიქიკურად დაავადებული პატიმრები. 7-6 თვე ელოდებიან, რომ პატიმრებს ფსიქიატრიული ექსპერტიზა ჩაუტარდეთ“,-განაცხადა ადვოკატმა ლედი ტუკვაძემ. ის მოითხოვს, რომ საკითხით ომბუდსმენი დაინტერესდეს. „სახალხო დამცველი აუცილებლად უნდა დაინტერესდეს ამ თემით. ველოდები სპეციალური საგამოძიებო სამსახურის შეფასებას ამ საკითხთან დაკავშირებით. ალბათ, გამოძიება დაიწყება“,-განაცხადა ადვოკატმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024