ირაკლი ქადაგიშვილი - განსაიდუმლოებული ხელშეკრულებები ოპოზიციის სრულ ფარისევლობას აჩვენებს - ოპოზიციონერები, ყოფილ პრეზიდენტთან ერთად თავად იყვნენ ბიუჯეტის ხარჯზე კერძო მიზნებისათვის უამრავი გადაფრენის მომხმარებლები

თავდაცვის სამინისტროს მიერ განსაიდუმლოებული ხელშეკრულებები ოპოზიციის სრულ ფარისევლობას აჩვენებს - ეს ოპოზიციონერები, ყოფილ პრეზიდენტთან ერთად თავად იყვნენ სახელმწიფო ბიუჯეტის ხარჯზე კერძო მიზნებისათვის უამრავი გადაფრენის მომხმარებლები, - ამის შესახებ „ქართული ოცნების“ დეპუტატმა ირაკლი ქადაგიშვილმა განაცხადა.

მისივე თქმით, ყველა საკითხს, რომელიც კანონდარღვევით იყო ჩადენილი, ადრე თუ გვიან ფარდა ეხდება - იქნება ეს 11 წლის, თუ 5 წლის შემდეგ.

„როგორც ყოველთვის, ოპოზიცია თავის პოზიციებში არათანმიმდევრულია. ვნახეთ, რომ პრემიერ-მინისტრმა შვებულების დროს, კანონის ფარგლებში, ჩარტერული რეისი გამოიყენა, ამაში ოჯახის თანხა გადაიხადა და ამაზე რა ამბავი ატეხეს. ამ დროს ყოფილ პრეზიდენტთან ერთად, თავად იყვნენ სახელმწიფო ბიუჯეტის ხარჯზე კერძო მიზნებისათვის უამრავი გადაფრენის მომხმარებლები. ოფიციალური ფრენების გარდა, რომელიც სახელმწიფოს დაცვის სამსახურის მიერ ხორციელდებოდა, კიდევ გასაიდუმლოებული გრიფით, თავდაცვის სამინისტროში, „აირზენასთან“ 24-მილიონიანი კონტრაქტი იყო გაფორმებული, რათა მათ პრეზიდენტისა და მისი თანმხლები პირების ფრენები განეხორციელებინათ.

როგორც ირკვევა, ამ ფრენების აბსოლუტური უმრავლესობა კერძო მიზნებისთვის იყო გამოყენებული, რომელსაც არანაირი სახელმწიფოებრივი მნიშვნელობა არ ჰქონდა“, - განაცხადა ირაკლი ქადაგიშვილმა.

თავდაცვის სამინისტრომ მიხეილ სააკაშვილის საჰაერო ხომალდებით მგზავრობასთან დაკავშირებით დადებული ხელშეკრულებების განსაიდუმლოების პროცესი დაიწყო. როგორც უწყების მიერ გავრცელებულ განცხადებაშია აღნიშნული, მოცემული განსაიდუმლოება შეეხება 2010, 2011 და 2012 წლებში თავდაცვის სამინისტროსა და შპს „ჯორჯიან ეარვეისს“ შორის დადებულ ხელშეკრულებებს.

ამასთან, როგორც თავდაცვის სამინისტროში განმარტავენ, მინისტრის 2012 წლის შესაბამისი ბრძანების საფუძველზე, უკვე განსაიდუმლოებულია საქართველოს თავდაცვის სამინისტროს შპს „ჯორჯიან ეარვეისთან“ გაფორმებული ორი ხელშეკრულება და აღნიშნული ხელშეკრულებების მომსახურების მიზნით, თავდაცვის სამინისტროს ბიუჯეტიდან 14 მილიონ ლარამდეა გადახდილი.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი