კახა კალაძის განცხადებით, იკვეთება, რომ მიხეილ სააკაშვილი პირადი მიზნებისთვის ბიუჯეტიდან ხარჯავდა თანხებს, რის გამოც ამ საკითხით გამოძიება უნდა დაინტერესდეს

„ქართული ოცნების“ გენერალური მდივნის კახა კალაძის განცხადებით, იკვეთება, რომ საქართველოს მესამე პრეზიდენტი, მიხეილ სააკაშვილი პირადი მიზნებისთვის ბიუჯეტიდან ხარჯავდა თანხებს, რის გამოც ამ საკითხით გამოძიება უნდა დაინტერესდეს. ამის შესახებ კალაძემ ჟურნალისტებს განუცხადა.

„რაც შეეხება ბიუჯეტიდან პირადი მიზნებისთვის ხარჯვას, კატეგორიულად მიუღებელია და არანაირად გამართლებული არ არის, მითუმეტეს საუბარია ადამიანზე, რომელიც ქვეყნის პრეზიდენტი იყო. როგორც იკვეთება, ბიუჯეტიდან ხარჯავდა თანხებს პირადი მიზნებისთვის, პირადი გადაადგილებისთვის. გუშინაც ვთქვი, ალბათ, გამოძიება აღნიშნული ფაქტით უნდა დაინტერესდეს და ყველა დეტალი მოიკვლიოს, თუ რეალურად რა ხდებოდა“, - განაცხადა კალაძემ.

ცნობისთვის, თავდაცვის სამინისტრომ საქართველოს ყოფილი პრეზიდენტის, მიხეილ სააკაშვილის, საჰაერო ხომალდებით მგზავრობასთან დაკავშირებით დადებული ხელშეკრულებების განსაიდუმლოების პროცესი დაიწყო. როგორც უწყების მიერ გავრცელებულ განცხადებაშია აღნიშნული, მოცემული განსაიდუმლოება შეეხება 2010, 2011 და 2012 წლებში თავდაცვის სამინისტროსა და შპს „ჯორჯიან ეარვეისს“ შორის დადებულ ხელშეკრულებებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024