კახა კალაძე - ოპოზიციის მიერ გაკეთებული ყველა განცხადება შეიცავს ტყუილს, დაფუძნებულია ადამიანების „გაშავების“ მცდელობაზე, ხელისუფლების წარმომადგენლების ოჯახის წევრების შეურაცხყოფაზე

ყველაფერი ანტიდასავლური, ანტიევროპული, თუ ვინმეს გაუკეთებია განცხადების, კონკრეტული საქმეების სახით, ეს არის რადიკალური ოპოზიცია, - ამის შესახებ “ქართული ოცნების“ გენერალურმა მდივანმა, კახა კალაძემ ჟურნალისტებს განუცხადა.

მისი განმარტებით, რადიკალური ოპოზიცია ქვეყნის ევროპული მომავლის საწინააღმდეგოდ მოქმედებს.

„ესენი არიან ის პოლიტიკური პარტიები, რომელიც დღეს რადიკალებად მოგვევლინებიან. წარმოიდგინეთ, როდესაც ხელისუფლებაში იყვნენ, ყველაფერს აკეთებდნენ ამ ქვეყნის და ჩვენი ხალხის წინააღმდეგ. დღეს ოპოზიციაში რა რესურსიც აქვთ, ყველაფერს იყენებენ ამ ქვეყნის ევროპული მომავლის წინააღმდეგ. ყველაფერს აკეთებენ, რომ ქვეყანაში არ იყოს მშვიდობა, იყოს დესტაბილიზაცია. ეს არის რადიკალური ოპოზიცია და მინდა გითხრათ, რომ რადიკალიზმი ყოველთვის განწირულია მარცხისთვის. მთელი ამ წლების განმავლობაში ასე ხდებოდა და ასე იქნება მომავალშიც“,-განაცხადა კალაძემ.

გარდა ამისა, მისი შეფასებით, პარტია „ნაციონალურ მოძრაობაში“ ძალიან დიდი დაპირისპირებაა.

„არ ვიცი, ვინ დაუჭერს მხარს პრეზიდენტის იმპიჩმენტს და ვინ რა გადაწყვეტილებას მიიღებს. რაც შეეხება "ნაციონალურ მოძრაობას", რა თქმა უნდა, ძალიან დიდი დაპირისპირებაა აღნიშნულ პარტიაში, ეს გამოაშკარავდა, ყველა კარგად ხედავს ამ დაპირისპირებას. ის განცხადებები, რაც მოვისმინეთ იმპიჩმენტის ხმის მიცემა და არ მიცემაზე, დარბაზში შესვლასა და არ შესვლაზე, ეს მეტყველებს, რომ ისინი ერთმანეთს არ ენდობიან“,-განაცხადა კალაძემ.

გარდა ამისა, მან აშშ-ის საელჩოს განცხადება შეაფასა, სადაც ნათქვამია, რომ შეერთებულ შტატებს არ შეუთავაზებია ამერიკული სამხედრო ბაზის შექმნა საქართველოში.

„ოპოზიცია ძირითადად სიცრუით არის დაკავებული. მათ მიერ გაკეთებული ყველა განცხადება შეიცავს ტყუილს, დაფუძნებულია ადამიანების „გაშავების“ მცდელობაზე, ხელისუფლების წარმომადგენლების ოჯახის წევრების შეურაცხყოფაზე. გუშინ ჩვენ არაერთი განცხადების გაკეთება მოგვიწია, რომ ეს ტყუილი იყო. აშშ-ს საელჩომ დაადასტურა ჩვენს მიერ გაკეთებული განცხადება, რომ ეს ტყუილი იყო“,-განაცხადა კალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024