პარტია „ხალხისთვის“ მდივანი - გთავაზობთ გეგმას თუ როგორ უნდა გავუმკლავდეთ კლიმატური ცვლილებებით გამოწვეულ საფრთხეებს

სტიქიური მოვლენების ინტენსიურობა ყოველწლიურად იზრდება. ტრაგედია შოვში არის ამის ყველაზე მტკივნეული მაგალითი. სამწუხაროდ, ეს კატასტროფები არ შემცირდება და მომავალში უფრო გაიზრდება. ჩვენ გვაქვს შანსი, რომ მინიმუმამდე დავიყვანოთ ზარალი. ამისთვის საკმარისია რამდენიმე კონკრეტული ნაბიჯის გადადგმა, - ამის შესახებ პარტია ,,ხალხისთვის” მდივანმა, ალექსანდრე სამსონიძემ განაცხადა.

ალექსანდრე სამსონიძე იმ კონკრეტულ ნაბიჯებზე საუბრობს, რომელიც სახელმწიფომ უნდა გადადგას კლიმატური ცვლილებებით გამოწვეულ საფრთხეებთან საბრძოლველად.

,,ბოლო დროს განვითარებულმა მოვლენებმა კარგად დაგვანახეს ჩვენი მთავრობის მოუმზადებლობის მწარე რეალობა. სტიქიური მოვლენების ინტენსიურობა ყოველწლიურად იზრდება. ტრაგედია შოვში არის ამის ყველაზე მტკივნეული მაგალითი. სამწუხაროდ, ეს კატასტროფები არ შემცირდება და მომავალში უფრო გაიზრდება. ჩვენ გვაქვს შანსი, რომ მინიმუმამდე დავიყვანოთ ზარალი. ამისთვის საკმარისია რამდენიმე კონკრეტული ნაბიჯის გადადგმა. პარტია ,,ხალხისთვის” გთავაზობთ გეგმას:

  1. პირველ რიგში, აუცილებელია შეიქმნას სამთავრობო დონის კომისია, რომელიც შეისწავლის კლიმატური ცვლილებებით გამოწვეულ საფრთხეებს;
  2. ზონირების პოლიტიკა ან „სახელმწიფო რისკების შეფასება“- ექსპერტების დასკვნებზე დაყრდნობით ქვეყანაში რისკიანი ზონები განისაზღვრება;
  3. შესაბამისი ადრეული გამაფრთხილებელი სისტემების დანერგვა;
  4. სამაშველო სამსახურის თანამედროვე სტანდარტებით აღჭურვა“,- აღნიშნავს ალექსანდრე სამსონიძე, რომლის კომენტარსაც პარტიის პრესსამსახური ავრცელებს.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი