ირაკლი ბერაია - აშშ-ს საელჩომ საქართველოში ამერიკული სამხედრო ბაზის გახსნის საკითხზე დეზინფორმაციის გამავრცელებელ სუბიექტებს საკუთარი განცხადებით თავზე დაახურა და დაამხო, რისი დამხობაც შეიძლებოდა

აშშ-ს საელჩომ საქართველოში ამერიკული სამხედრო ბაზის გახსნის საკითხზე დეზინფორმაციის გამავრცელებელ სუბიექტებს საკუთარი განცხადებით თავზე დაახურა და დაამხო, რისი დამხობაც შეიძლებოდა, - ამის შესახებ პარლამენტის თავდაცვისა და უშიშროების კომიტეტის თავმჯდომარემ ირაკლი ბერაიამ განაცხადა.

ბერაიამ ხაზგასმით აღნიშნა, რომ ქართულ მხარეს აშშ-გან სამხედრო ბაზის განთავსების თაობაზე შეთავაზება არ მიუღია.

„დეზინფორმაციის მორიგი სერია თავდაცვისა და უსაფრთხოების საკითხებზე მოვისმინეთ. საქართველოში აშშ-ს სამხედრო ბაზების გახსნასთან დაკავშირებული საკითხი დეზინფორმაცია იყო. სრული პასუხისმგებლობით შემიძლია გითხრათ, რომ ჩვენი პარტნიორების მხრიდან ბაზების გახსნის თაობაზე შეთავაზება არ მიგვიღია. ჩვენთვის აშშ-სთან პარტნიორობა ძალიან მნიშვნელოვანია, ის ჩვენი სტრატეგიული პარტნიორია. ჩვენი ამოცანა და პრიორიტეტია ამ ქვეყანასთან თანამშრომლობის განმტკიცება და შემდგომი გაღრმავება თავდაცვისა და უსაფრთხოების სფეროში. ეს ბევრ დოკუმენტში წერია და პრაქტიკული ნაბიჯებიც ამაზე მეტყველებს. დინამიკა რაც ამ მიმართულებით არსებობს, ამის ნათელი მაგალითია. ეს მოიცავს თავდაცვისა და შეკავების გაძლიერების ინიციატივას, რომლის მიზანია ჩვენი თავდაცვის ძალების ინსტიტუციური გაძლიერება, ძალთა გენერირების სისტემის დახვეწა და გაძლიერება და ეროვნული წინააღმდეგობის მექანიზმების მხარდაჭერა - შეთანხმება, რასაც ხელი მოეწერა აშშ-ს თავდაცვის მდივნის ოსტინის თბილისში ვიზიტის დროს“, - განაცხადა ირაკლი ბერაიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024