2023 წლის სექტემბერში, გრიგოლ რობაქიძის სახელობის უნივერსიტეტის ჟურნალისტიკის საბაკალავრო პროგრამის ორი სტუდენტი - ხატია ნეკაშვილი და მარიამ ბასილაძე, ბორდოს პოლიტიკური მეცნიერებების უმაღლეს სკოლაში (Sciences Po Bordeaux), ინგლისურენოვან პროგრამაზე ჩაირიცხნენ. ინფორმაციას გრიგოლ რობაქიძის სახელობის უნივერსიტეტი ავრცელებს.
უნივერსიტეტის ცნობით, სწავლის ხარჯები საფრანგეთის რესპუბლიკის მთავრობის მიერ ფინანსდება.
„ერთი სემესტრის განმავლობაში, სტუდენტების მიერ მოპოვებული კრედიტები, თანამშრომლობის ხელშეკრულების საფუძველზე, აღიარებულ იქნება როგორც გრუნის, ისე სიან პო ბორდოს მიერ. მარიამს და ხატიას ვუსურვებთ წარმატებას!“,- აღნიშნულია ინფორმაციაში.