დიდ ლილოში არსებული მუნიციპალური ნარჩენების პოლიგონთან დაკავშირებით, მუნიციპალიტეტის წარმომადგენლებსა და ადგილობრივებს შორის შეხვედრა გაიმართა

დიდ ლილოში არსებულ პოლიგონთან დაკავშირებით, თბილისის მუნიციპალიტეტის წარმომადგენლებსა და ადგილობრივ მოსახლეობას შორის შეხვედრა გაიმართა.

დედაქალაქის მერიის ცნობით, შეხვედრას თბილისის მერის მოადგილე ანდრია ბასილაია, შპს „თბილსერვის ჯგუფის“ დირექტორი დავით ფაჩულია, სამგორის რაიონის გამგებელი კახა სამხარაძე და საკრებულოს მაჟორიტარი დეპუტატი რევაზ სოხაძე ესწრებოდნენ.

„მერიისა და საკრებულოს წარმომადგენლებმა ადგილობრივების პრობლემები მოისმინეს და მათი მოგვარების გზებზე ისაუბრეს. აღინიშნა, რომ პოლიგონთან დაკავშირებით დაგეგმილი მნიშვნელოვანი პროექტების შესახებ ინფორმაციას მოქალაქეებს მუდმივ რეჟიმში მიაწოდებენ. ასევე, შემდეგ კვირაში დაიგეგმა სამუშაო შეხვედრა.

თბილისის მუნიციპალიტეტი ევროპის რეკონსტრუქციისა და განვითარების ბანკის (EBRD) ხელშეწყობით, აქტიურ ფაზაში გადავიდა დიდი ლილოს პოლიგონზე გაზშემკრები სისტემის მოწყობის მიმართულებით, რაც დედაქალაქს დაეხმარება, დააკმაყოფილოს 2014 წელს გაფორმებული ევროკავშირის ასოცირების ხელშეკრულებით დაკისრებული გარემოსდაცვითი ვალდებულება.

პროექტი მოიცავს ნარჩენების განსათავსებელი უჯრედების საბოლოო გადახურვასა და უკვე მოქმედი თუ დახურული უჯრედებიდან შეგროვებული გაზის (მეთანის) უტილიზაციას (გამოყენებას). ბანკმა დედაქალაქს დაუქირავა საერთაშორისო საკონსულტაციო და საინჟინრო კომპანია Enviroplan S.A., რომლის კონსულტანტებიც მიმდინარე წლის დეკემბერში დაასრულებენ პროექტზე მუშაობას. პროექტის საფუძველზე გამოცხადდება გაზშემკრები სისტემისა და უტილიზაციის შესახებ ტენდერი, საერთაშორისო წესებისა და პირობების დაცვით. ტენდერის დასრულების შემდეგ კი დაიწყება პროექტის განხორციელება.

ასევე, მნიშვნელოვანია შემდეგი შენობა-ნაგებობების მშენებლობა: მასალების აღმდგენი ობიექტი, მექანიკურ-ბიოლოგიური დამუშავების ობიექტი, გაბარიტული ნარჩენის განსათავსებელი მოედნები. ამ დროისთვის EBRD-ისა და საერთაშორისო საკონსულტაციო ჯგუფ ICP-ის დახმარებით, მიმდინარეობს პროექტის ტექნიკურ-ეკონომიკური შესწავლა მასალების აღმდგენი ობიექტისა (MRF) და მექანიკური ბიოლოგიური დამუშავების საწარმოს (MBT) საერთაშორისო სტანდარტების მიხედვით ასაშენებლად. აღნიშნული პროექტი იქნება ნარჩენების სეპარირებულად განთავსების, შეგროვებისა და რეციკლირების დაწყების საფუძველი, რაც საგრძნობლად გაუზრდის სიცოცხლისუნარიანობას პოლიგონს, დაასტაბილურებს უჯრედზე განსათავსებელ ნარჩენსა და მოახდენს რეციკლირებული მასალის რეალიზებას.

დიდ ლილოში არსებული მუნიციპალური ნარჩენების პოლიგონი 2010 წელს გაცემული ნებართვის შესაბამისად ფუნქციონირებს. ნაგავსაყრელი შედგება სამი უჯრედისგან, საიდანაც ორი სრულად შევსებული და გადახურულია. ამჟამად ფუნქციონირებს მესამე უჯრედი, სადაც ნარჩენების განთავსება გაცემული ნებართვის შესაბამისად მიმდინარეობს. ხდება ნარჩენების კომპაქტირება და ყოველდღიურად გადაფარვა. ვინაიდან უჯრედებს აქვს თავისი ტევადობა, იგეგმება მეოთხე უჯრედის მოწყობა, რომელზეც საკანონმდებლო მოთხოვნების შესაბამისად მომზადებულია პროექტი. 2010 წელს გაცემული ნებართვის ფარგლებშიც გათვალისწინებული იყო ოთხი უჯრედის მოწყობა“,- აღნიშნულია მერიის მიერ გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024