„აგროსკოლაში" სასწავლო პროცესი დასრულდა

გარემოსდაცვითი ინფორმაციისა და განათლების ცენტრის მიერ შემუშავებული სასწავლო პროგრამის „აგროსკოლის" ფარგლებში მიმდინარე სასწავლო კურსი დასრულდა.

ორგანიზატორების ინფორმაციით, შემაჯამებელ შეხვედრაზე გარემოს დაცვისა და სოფლის მეურნეობის მინისტრის მოადგილე, სოლომონ პავლიაშვილი მოსწავლეებს შეხვდა.

„აღნიშნული სკოლა აძლევს ახალგაზრდებს მოტივაციას, რომ მომავალში სწავლა გააგრძელონ აგრარული მიმართულებებით. საინტერესო შესაძლებლობაა ახალგაზრდებისთვის აგრარული საკითხების შესახებ მნიშვნელოვანი ცოდნისა და ინფორმაციის მისაღებად. მოსწავლეებთან განვიხილეთ აგრარული მიმართულებით არსებული პროგრამები, ღვინის ექსპორტისა და სოფლის მეურნეობის მიმართულებით არსებული მათთვის საინტერესო საკითხები“, - განაცხადა სოლომონ პავლიაშვილმა.

დისკუსიის შემდეგ გარემოს დაცვისა და სოფლის მეურნეობის მინისტრის მოადგილემ კურსდამთავრებულ მოსწავლეებს სერტიფიკატები გადასცა.

გარემოსდაცვითი ინფორმაციისა და განათლების ცენტრმა „აგროსკოლა" აგრარული პროფესიების პოპულარიზაციის მიზნით განახორციელა, სადაც IX-XII კლასის მოსწავლეებს შესაძლებლობა ჰქონდათ, ამომწურავი ინფორმაცია მიეღოთ სოფლის მეურნეობის დარგებისა და აგრარული მიმართულებით არსებული პროექტების შესახებ.

ორი თვის განმავლობაში, მოსწავლეებს ლექციებს გარემოს დაცვისა და სოფლის მეურნეობის სამინისტროს წარმომადგენლები და მოწვეული სპეციალისტები უტარებდნენ. სასწავლო პროგრამის ფარგლებში, ახალგაზრდებმა შეისწავლეს სოფლის მეურნეობის განვითარება, ფერმერთა შესაძლებლობები, სოფლის მეურნეობის მიმართულებით არსებული პროგრამები, ფერმერული მეურნეობის მართვა და მენეჯმენტი, ღვინის ისტორია და ღვინის დეგუსტაცია, ქართული ვაზის ჯიშები და ველური ვაზის მოძიებისა და დაცვის ისტორია საქართველოში, მეხილეობა, მებოსტნეობა, მებაღეობა, ქართული ტრადიციული მეფუტკრეობა, აკვაკულტურა და მეთევზეობა, ვეტერინარია და ცხოველთა განსაკუთრებით საშიში ინფექციური დაავადებები, მეცხოველეობა და მეფრინველეობა, ნიადაგმცოდნეობა, გაუდაბნოება და გადაძოვება, სურსათის უვნებლობა, კლიმატგონივრული სოფლის მეურნეობა, განათლების როლი აგრარულ სექტორში და აგროტურიზმი.

ონლაინ სემინარების შემდეგ, გასვლითი ტურის ფარგლებში ახალგაზრდები გარემოს დაცვისა და სოფლის მეურნეობის სამინისტროს უწყებებს ესტუმრნენ. მოსწავლეები სამუშაო პროცესებს ადგილზე გაეცნენ „აუგუსტის“ ხილის ქარხანაში, სასათბურე მეურნეობაში „მაგემე’’ და ხილის გადამამუშავებელ საწარმოში „კავკასუს ორგანიკ ფრუტსი’’.

„აგროსკოლაში“ მონაწილეობის მიღება მოსწავლეებს მთელი ქვეყნის მასშტაბით შეეძლოთ. მონაწილეთა შერჩევა კონკურსის საფუძველზე მოხდა.

აგრარული საკითხებით დაინტერესებული მოსწავლეებისთვის სასწავლო პროგრამა „აგროსკოლა“ ყოველწლიურად ჩატარდება.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი