ლევან ბეჟაშვილი - სანქცირების პოლიტიკა აზარალებს ქვეყნის ინტერესებს, მაგრამ ეს არის რეალური აუცილებლობა, რომ კრისტალიზირდეს, თუ ვინ მოქმედებს ეროვნული ინტერესების საწინააღმდეგოდ - „ნაციონალური მოძრაობის“ წარმომადგენლები აქტიურად მუშაობდნენ საერთაშორისო ინსტიტუციებთან

მინდა, ერთი მხრივ წუხილი გამოვთქვა, რადგან სანქცირების პოლიტიკა აზარალებს ქვეყნის ინტერესებს, მაგრამ ეს არის რეალური აუცილებლობა, რომ კრისტალიზირდეს, თუ ვინ მოქმედებს ამ ქვეყანაში საქართველოს ეროვნული ინტერესების საწინააღმდეგოდ, - ამის შესახებ „ნაციონალური მოძრაობის“ ერთ-ერთმა, ლიდერმა, ლევან ბეჟაშვილმა ბრიფინგზე განაცხადა, რითაც ამერიკის შეერთებული შტატების მიერ საქართველოს ყოფილი მთავარი პროკურორის, ოთარ ფარცხალაძის დასანქცირებას გამოეხმაურა.

ლევან ბეჟაშვილის თქმით, „ნაციონალური მოძრაობის“ საგარეო მიმართულების ჯგუფის წევრები ბოლო თვეების განმავლობაში აქტიურად მუშაობდნენ საერთაშორისო ინსტიტუტებთან, რათა სანქცირების პოლიტიკა ხელშესახები გამხდარიყო.

„გვინდა გამოვეხმაუროთ აშშ-ის სახელმწიფო დეპარტამენტის გადაწყვეტილებას, დასანქცირდეს ოთარ ფარცხალაძე, ივანიშვილის პირადი ოლიგარქი, ივანიშვილის პროკურორი, ოდიოზური ფიგურა, რომლის მიმართებაშიც ცალსახა აზრია ჩამოყალიბებული ქართულ საზოგადოებაში და ჩვენს საერთაშორისო პარტნიორებში და მან თავის გამოძახილი ჰპოვა აშშ-ის სახელმწიფო დეპარტამენტის გადაწყვეტილებაში. ჯერ კიდევ შარშან, „ნაციონალური მოძრაობა“ აფრთხილებდა ხელისუფლებას, რომ ივანიშვილის, ფარცხალაძის, მამაცაშვილის, ჩხარტიშვილის, რუხაძის, ხიდაშელის მიმართ მიმდინარეობდა სანქცირებასთან დაკავშირებული სამართალწარმოება და შესაბამისი ინფორმაციის მიწოდება ხდებოდა სხვადასხვა პირების და უწყებების მხრიდან. მათ შორის „ნაციონალური მოძრაობის“ საგარეო მიმართულების ჯგუფის წარმომადგენლები ბოლო თვეების განმავლობაში აქტიურად მუშაობდნენ საერთაშორისო ინსტიტუციებთან, რომ სანქცირების პოლიტიკა ხელშესახები გახდეს და მოხდეს ივანიშვილის რუსული-ოლიგარქიული რეჟიმის მხილება, რომელიც პირდაპირ მოქმედებს საქართველოს ეროვნული ინტერესების წინააღმდეგ”, - განაცხადა ლევან ბეჟაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024