ლევან ხაბეიშვილი - ყველა მოსწავლეს და მასწავლებელს ვულოცავ სასწავლო წლის დაწყებას - ერთად უნდა ვიზრუნოთ იმ პრობლემებზე, რაც აწუხებს ასიათასობით მშობელს, ბავშვს და მასწავლებელს, რათა მაქსიმალურად კომფორტულად გრძნობდნენ თავს

ყველა მოსწავლეს და მასწავლებელს ვულოცავ სასწავლო წლის დაწყებას, განსაკუთრებით პირველკლასელებს! ყველამ ერთად უნდა ვიზრუნოთ იმ პრობლემებზე, რაც აწუხებს ასიათასობით მშობელს, ბავშვს და მასწავლებელს, რათა მაქსიმალურად კომფორტულად გრძნობდნენ თავს, - ამის შესახებ „ერთიანი ნაციონალური მოძრაობის“ თავმჯდომარე ლევან ხაბეიშვილმა განაცხადა.

ხაბეიშვილის თქმით, „ერთიანი ნაციონალური მოძრაობა“ ქართველ ხალხს აძლევს პირობას, რომ სკოლებში კვება უფასო იქნება.

„ყველა მოსწავლეს და მასწავლებელს ვულოცავ სასწავლო წლის დაწყებას, განსაკუთრებით პირველკლასელებს! ყველამ ერთად თავი უნდა დავაღწიოთ იმ მმართველობას, რომელიც, ჩვენდა სამწუხაროდ, არ ფიქრობს საქართველოს მოქალაქეზე, ასევე, ყველამ ერთად უნდა ვიზრუნოთ იმ პრობლემებზე, რაც აწუხებთ ასი ათასობით მშობელს, ბავშვს და მასწავლებელს, რომ ამ ქვეყანაში ერთხელ და სამუდამოდ უნდა იქნეს მიღწეული, რომ მოსწავლეც, მასწავლებელიც , მშობელიც მაქსიმალურად კომფორტულად გრძნობდეს თავს. მასწავლებელი განათლების გასაცემად უნდა იყოს მზად და მოსწავლე განათლების მისაღებად, არ ჰქონდეთ ელემენტარული ყოფითი პრობლემები როგორიცაა მაგალითად როგორ შეიძინონ სკოლისთვის ჩანთა, ახალი ტანსაცმელი და ა.შ.

„ერთიანი ნაციონალური მოძრაობა“ ქართველ ხალხს აძლევს პირობას, რომ ასიათასობით ბავშვისთვის სკოლებში კვება იქნება უფასო, მითუმეტეს მაშინ, როდესაც ოფიციალური მონაცემებით 50 ათასზე მეტი ბავშვი სკოლაში შიმშილობს“, - განაცხადა ლევან ხაბეიშვილმა.

ინფორმაციისთვის, „ერთიან ნაციონალურ მოძრაობას“ აქვს უფასო კვების პროგრამა სკოლებში, რომელიც ასიათასობით ბავშვის კვებას უზრუნველყოფს.

„ამასთან „ერთიანი ნაციონალური მოძრაობის“ საპარლამენტო ფრაქციას ვრცელი ანგარიში აქვს მომზადებული, სადაც განხილულია საქართველოს საჯარო სკოლებში უფასო კვების პროგრამის დანერგვის აუცილებლობა და შეფასებულია ამ გამოწვევის მასშტაბები. ანგარიშში ასევე განხილულია წალენჯიხის მუნიციპალიტეტის მაგალითი, რომელიც ერთადერთი გამონაკლისია, სადაც საჯარო სკოლებში მსგავსი პრაქტიკა დაინერგა“,- აღნიშნულია „ნაციონალურ მოძრაობის“ მიერ გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024