პრემიერი - მთავრობის ვალი შემცირებულია, სიღარიბე და უმუშევრობა არის ისტორიულ მინიმუმზე - სულ სხვა ეკონომიკაა წელს, ვიდრე 10 წლის წინ იყო

პრემიერ-მინისტრ ირაკლი ღარიბაშვილის განცხადებით, მთავრობის ვალი შემცირებულია.

როგორც მან მთავრობის დღევანდელ სხდომაზე აღნიშნა, სულ სხვა ეკონომიკა არის წელს, ვიდრე 10 წლის წინ იყო.

„მთავრობის ვალი არის შემცირებული. მინდა ყველას შევახსენო, რომ ორი წლის წინ მთავრობის ვალი 60%-ზე მეტს შეადგენდა მშპ-სთან მიმართებით. ეს პროცესი აქტიურად დავიწყეთ და თითქმის 38%-ზე არის ჩამოსული მთავრობის ვალი. ყველას კარგად მოგეხსენებათ, რომ სიღარიბე და უმუშევრობა არის ისტორიულ მინიმუმზე. მთავრობის რეზერვები არის ისტორიულ მაქსიმუმზე, 5,5 მლრდ დოლარს გადააჭარბა. ასევე მინდა ვთქვა, რომ ბოლო 10 წელიწადში ჩვენი მოქალაქეების დეპოზიტები, რომელიც განთავსებულია კომერციულ ბანკებში, თითქმის გაათმაგებულია. სულ სხვა ეკონომიკა არის წელს, ვიდრე 10 წლის წინ იყო“, -განაცხადა პრემიერმა.

მისი განმარტებით, ეს არის მმართველი პარტიის შედეგი, რამაც ქვეყანას ხელშესახები შედეგები მოუტანა.

„კიდევ ერთხელ ვიმეორებ, ეს არის მშვიდობისა და სტაბილურობის ნაყოფი. სხვა შემთხვევაში, ჩვენთან არავითარ ეკონომიკურ ზრდაზე საუბარი არ და ვერ იქნებოდა. ყველას შევახსენებ, რომ 3 წლის წინ დეფოლტზე იყოს საუბარი, როცა ჩვენს მთავრობაში ცვლილებები მოხდა. ყველაფერი ძალიან კარგად იქნება“, - განაცხადა პრემიერმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი