სამოქალაქო ფორუმი „ხანდაზმულთა ხელმისაწვდომობის გაზრდა სამედიცინო და სოციალურ სერვისებზე" მიმდინარეობს

პროექტის ფარგლებში „მხარდაჭერის სახლი - მომსახურებები დღეგრძელთა ღირსეული ცხოვრებისთვის საქართველოსა და ბოსნია-ჰერცოგოვინაში“ სამოქალაქო ფორუმი - „ხანდაზმულთა ხელმისაწვდომობის გაზრდა სამედიცინო და სოციალურ სერვისებზე" მიმდინარეობს.

ფორუმი ეძღვნება დმანისისა და გორის მუნიციპალიტეტებსა და დაბა კაზრეთში მცხოვრები ხანდაზმულების პრობლემებსა და გამოწვევებს, რომლებსაც უფროსი თაობის წარმომადგენლები პირველადი ჯანდაცვისა და სოციალური მომსახურებებით სარგებლობის პროცესში აწყდებიან.

ღონისძიებაში სხვადასხვა დარგის ექსპერტები, სახელმწიფო უწყების, არასამთავრობო და სამოქალაქო სექტორის წარმომადგენლები მონაწილეობას იღებენ. ფორუმის ფარგლებში ისინი ერთად იმსჯელებენ დასმული პრობლემების ირგვლივ და შეიმუშავებენ მათი გადაჭრის გზებსა და რეკომენდაციებს.

„პროგრამის განხორციელება დაიწყო 2020 წლის 1-ელი იანვრიდან. მას შემდეგ, ჩვენ გავხსენით ორი ცენტრი, გორის და დმანისის მუნიციპალიტეტებში. მათ ეწოდებათ „მხარდაჭერის სახლები” და მომსახურებას აწვდიან 60-წელს ზემოთ ადამიანებს, რომლებსაც სჭირდებათ გარკვეული ტიპის მხარდაჭერა. მაგალითად: ერთ-ერთი არის საკუთარ სახლში, ბინაზე მოვლა პროფესიონალი ექთნის, მომვლელის მიერ. ამჟამად, ორივე ცენტრში ერთად 60-მდე ასეთ ხანდაზმულს ვემსახურებით. ორივე ცენტრში ჩამოყალიბებულია მობილური გუნდები, რომელიც შედგება მძღოლის, ექთნის და მომვლელის პოზიციებისგან. ეს გუნდები განსხვავდება სოფლის და ქალაქის ტიპის დასახლების მიხედვით. გუნდები ხანდაზმულებს სტუმრობენ სახლებში, მათ საჭიროებებს აფასებენ და შემდეგ ადგენენ ინდივიდუალური ზრუნვის გეგმას და სწრაფად მომსახურების მიწოდებას იწყებენ”, - განაცხადა ავსტრიაში დაფუძნებული საერთაშორისო ორგანიზაცია, Hilfswerk International- ს საქართველოს ოფისის წარმომადგენელმა, მანანა ლაგაზიძემ.

ცნობისთვის, პროექტი დაფინანსებულია ავსტრიის განვითარების სააგენტოს მიერ (ADA) და საქართველოში ხორციელდება Hilfswerk International-ისა და იძულებით გადაადგილებულ ქალთა ასოციაცია „თანხმობას“ მიერ, „საქართველოს სოციალურ მუშაკთა ასოციაციასა“ და „საქართველოს სტრატეგიული კვლევისა და განვითარების ცენტრთან“ ერთად. დმანისისა და გორის მუნიციპალიტეტებში, 2021 წლის ზაფხულში, ჩამოყალიბდა „მხარდაჭერის სახლი“, რომელიც უფროსი თაობის წარმომადგენლებს შინმოვლის პროფესიონალურ მომსახურებას პროექტის ფარგლებში უფასოდ უწევს.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი