სახალხო დამცველი, ვაშინგტონში, საერთაშორისო ორგანიზაციების წარმომადგენლებს შეხვდა

ვაშინგტონში ვიზიტის დასასრულს საქართველოს სახალხო დამცველმა, ლევან იოსელიანმა შეხვედრა გამართა „საერთაშორისო რესპუბლიკური ინსტიტუტის“ (IRI) ევრაზიის მიმართულების რეგიონულ დირექტორთან სტივენ ნიქსთან, „ეროვნულ დემოკრატიული ინსტიტუტის“ (NDI) ევრაზიის პროგრამების რეგიონულ დირექტორთან ევა ბუზასთან, ევრაზიის მიმართულების პროგრამის უფროს დირექტორთან მელისა სელინ მუსიოსთან და ორგანიზაცია Freedom House-ის ევროპისა და ევრაზიის პროგრამის დირექტორთან მარკ ბერენდტთან.

ამის შესახებ ინფორმაციას სახალხო დამცველის აპარატის პრესსამსახური ავრცელებს.

მათი ინფორმაციით, ლევან იოსელიანი ასევე შეხვდა „აშშ-ს საერთაშორისო განვითარების სააგენტოს“ (USAID) ევროპისა და ევრაზიის ბიუროს ხელმძღვანელის მოადგილეს ალექსანდრე სოკოლოვსკის.

„წინასაარჩევნო პერიოდიდან გამომდინარე, საერთაშორისო ორგანიზაციები დაინტერესებული არიან საქართველოში არსებული მედია გარემოთი, არასამთავრობო ორგანიზაციების მდგომარეობით, უმცირესობათა უფლებების დაცვის საკითხებითა და გამოხატვის თავისუფლების მიმართულებით არსებული გამოწვევებით.

შეხვედრებზე განიხილეს ადამიანის უფლებათა სტრატეგიის დეტალები, ასევე, ევროკავშირის წევრობის სტატუსის მისაღებად რეკომენდებული 12 პუნქტიანი გეგმის შესრულების მდგომარეობა.

სახალხო დამცველმა ვაშინგტონში თავისი პირველი ოფიციალური ვიზიტის ფარგლებში შეხვედრები გამართა თეთრ სახლში, ასევე, აშშ-ს სახელმწიფო დეპარტამენტისა და იუსტიციის დეპარტამენტის მაღალი თანამდებობის პირებთან და სხვა სტრატეგიული პარტნიორი ორგანიზაციების წარმომადგენლებთან“,-აღნიშნულია გავრცელებულ ინფორმაციაში.

ლევან ალაფიშვილი - თუ სასამართლომ მმართველი გუნდის სასარგებლო გადაწყვეტილება მიიღო, ევროპული სტრუქტურებისთვის ეს იქნება იმის ლუსტრაცია რომ ჩვენ არც საკონსტიტუციო სასამართლო გვაქვს დამოუკიდებელი პოლიტიკური გავლენებისგან
ქართული პრესის მიმოხილვა 02.10.2023
მისაბმელი ტრაილერების მწარმოებელი გერმანული კომპანია „შმიტც კარგობული“ (Schmitz Cargobull) საქართველოს ბაზარზე შემოვიდა
კახა ოქრიაშვილი - ასეთი სუს-ის იმედზეა ბიძინა ივანიშვილი და ჩვენი საწყალი ქვეყანა?
დრესაპ ჯგუფი აჭარის რეგიონში 14 ახალ მაღაზიას ხსნის
თინეთი DeGameFi-ს ოფიციალური პარტნიორია
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა