იაგო ხვიჩია - პროცესი დასრულებული არ არის და „ქოცების“ არგუმენტი - „ფარცხალაძე 11 წელია ჩვენთან არ არის და ეს ისტორია ჩვენ არ გვეხება“, ძალიან მალე გაბათილდება

პროცესი დასრულებული არ არის და „ქოცების“ არგუმენტი - „ფარცხალაძე 11 წელია ჩვენთან არ არის და ეს ისტორია ჩვენ არ გვეხება“, ძალიან მალე გაბათილდება, - ამის შესახებ „გირჩის“ დეპუტატმა იაგო ხვიჩიამ ყოფილ გენერალურ პროკურორ ოთარ ფარცხალაძის სანქცირებასთან დაკავშირებით განაცხადა.

როგორც მან აღნიშნა, პარტნიორები ხედავენ, რომ ნაცვლად დემოკრატიული პროცესისა, ქვეყანა იმართება ძალოვანი სტრუქტურებით, სწორედ ამიტომ დასანქცირდნენ მოქმედი და ყოფილი თანამდებობის პირები სასამართლოსა და ძალოვან უწყებაში.

„ჩემი აზრით, ფარცხალაძის დასანქცირება არის იმ პროცესის ნაწილი, რომელიც მოსამართლეთა დასანქცირებით დაიწყო. მეორე ნაბიჯი იყო ყოფილი გენპროკურორის დასანქცირება. ეს ნიშნავს, რომ ჩვენი პარტნიორები ძალიან კარგად ხედავენ, თუ რა უწყებებით იმართება ჩვენი ქვეყანა - ნაცვლად დემოკრატიული პროცესისა, იმართება ძალოვანი უწყებებით, ამიტომ დაიწყო ძალოვანი უწყებისა და მართლმსაჯულების სისტემაში თანამდებობის პირების სანქცირება. ვფიქრობ, რომ ეს არის პროცესი, რომელიც დასრულებული არაა და სადამდე მიგვიყვანს, არავინ იცის. ამიტომ „ქოცების“ არგუმენტი, რომ „ეს კაცი ჩვენთან არ არის 11 წელია და ჩვენ არ გვეხება ეს ისტორია“, ძალიან მალე გაბათილდება,“ - განაცხადა ხვიჩიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024