სტუ-ს რექტორი პრემიერ-მინისტრის ინიციატივას, სტატუსშეჩერებული სტუდენტებისათვის დავალიანების განულების შესახებ, მიესალმება და სტუდენტებს წარმატებებს უსურვებს

საქართველოს ტექნიკური უნივერსიტეტის რექტორი, აკადემიკოსი დავით გურგენიძე მიესალმება საქართველოს პრემიერ-მინისტრის ირაკლი ღარიბაშვილის ინიციატივას, სტატუსშეჩერებული სტუდენტებისათვის არსებული დავალიანების დაფარვის შესახებ და სტუდენტებს მოუწოდებს მიმართონ უნივერსიტეტს, შესაბამის ფაკულტეტებს, რათა დროულად მოხდეს მათი სტატუსის აღდგენა.

როგორც რექტორი აცხადებს, საქართველოს ტექნიკური უნივერსიტეტში ახალი სასწავლო წელი 25 სექტემბერს იწყება. ამდენად, სტუდენტებს შესაძლებლობა აქვთ მიმართონ უნივერსიტეტს, იმ ფაკულტეტებს, სადაც სწავლობდნენ და შეიტანონ განაცხადი სწავლის გაგრძელებასთან დაკავშირებით.

„საქართველოს პრემიერ-მინისტრის უპრეცედენტო გადაწყვეტილება არის ახალ თაობაზე ზრუნვის შესანიშნავი მაგალითი. დღეს ბატონმა ირაკლი ღარიბაშვილმა 30 ათასზე მეტ ახალგაზრდას კიდევ ერთხელ გაუკვალა გზა, კიდევ ერთხელ მისცა საშუალება დაეუფლონ განათლებას, აღიდგინონ სტუდენტის სტატუსი.

მინდა, ჩვენი სტუდენტებისა და მათი ოჯახების სახელით, მადლობა გადავუხადო პრემიერს ამ დიდსულოვანი ნაბიჯისთვის - საქართველო არ არის მდიდარი ქვეყანა, მაგრამ ცოდნაში ჩადებული ინვესტიცია არ იკარგება და იმედი მაქვს, ჩვენი სტუდენტები ახალ შესაძლებლობას სწორად და მიზანმიმართულად გამოიყენებენ. წარმატებები მინდა ვუსურვო საქართველოს მთავრობას და აქვე, კიდევ ერთხელ მივმართავ სტუდენტებს.

ძვირფასო ახალგაზრდებო, დღეიდან თქვენ შეგიძლიათ მიმართოთ საქართველოს ტექნიკური უნივერსიტეტის იმ ფაკულტეტებს, სადაც სწავლობდით და აღიდგინოთ სტატუსი. წარმატებებს გისურვებთ“, - აღნიშნულია დავით გურგენიძის განცხადებაში.

ინფორმაციისთვის, დღეს, ირაკლი ღარიბაშვილმა განაცხადა, რომ მთავრობის გადაწყვეტილებით, სტატუსშეჩერებულ სტუდენტებს დავალიანება გაუნულდებათ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024