კახა კალაძე მიხეილ სააკაშვილის ჩარტერული რეისების დაფინანსებაზე - ძალიან ცუდია, როდესაც ბიუჯეტიდან თანხები პირადი მიზნისთვის იხარჯება - ვფიქრობ, გამოძიება უნდა დაინტერესდეს

თბილისის მერის, კახა კალაძის განცხადებით, ძალიან ცუდია, როდესაც ბიუჯეტიდან თანხები პირადი მიზნისთვის იხარჯება.

მან მედიასთან თავდაცვის სამინისტროს მხრიდან ექსპრეზიდენტ მიხეილ სააკაშვილის საჰაერო ხომალდებით მგზავრობასთან დაკავშირებით დადებულ ხელშეკრულებებზე გრიფი „საიდუმლოს“ მოხსნა შეაფასა და აღნიშნა, რომ ამ საკითხით გამოძიება უნდა დაინტერესდეს.

„ძალიან ცუდია, როდესაც ბიუჯეტიდან პირადი მიზნისთვის იხარჯება თანხები. ეს შეიძლება იყოს ფრენები, შეიძლება ყოფილიყო სხვადასხვა ტიპის საჩუქრები, რა თქმა უნდა, ეს ყველაფერი ძალიან მძიმეა. ვფიქრობ, გამოძიება უნდა დაინტერესდეს და უნდა დაიწყოს მოკვლევა აღნიშნულ საკითხთან დაკავშირებით“, - განაცხადა კალაძემ.

ცნობისთვის, თავდაცვის სამინისტრომ მიხეილ სააკაშვილის საჰაერო ხომალდებით მგზავრობასთან დაკავშირებით დადებული ხელშეკრულებების განსაიდუმლოების პროცესი დაიწყო. როგორც უწყების მიერ გავრცელებულ განცხადებაშია აღნიშნული, მოცემული განსაიდუმლოება შეეხება 2010, 2011 და 2012 წლებში თავდაცვის სამინისტროსა და შპს „ჯორჯიან ეარვეისს“ შორის დადებულ ხელშეკრულებებს. ამასთან, როგორც თავდაცვის სამინისტროში განმარტავენ, მინისტრის 2012 წლის შესაბამისი ბრძანების საფუძველზე, უკვე განსაიდუმლოებულია საქართველოს თავდაცვის სამინისტროს შპს „ჯორჯიან ეარვეისთან“ გაფორმებული ორი ხელშეკრულება და აღნიშნული ხელშეკრულებების მომსახურების მიზნით, თავდაცვის სამინისტროს ბიუჯეტიდან 14 მილიონ ლარამდეა გადახდილი.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024