საპროცედურო კომიტეტი - 2022 წლის ნოემბრიდან 2023 წლის სექტემბრამდე სამთავრობო უწყებებში 3 975 სადეპუტატო კითხვა გაიგზავნა - მათგან პასუხგაცემულია 77%, ხოლო პასუხგაუცემელი 23% კითხვა

პარლამენტის საპროცედურო საკითხთა კომიტეტის ინფორმაციით, 2022 წლის ნოემბრიდან 2023 წლის სექტემბრამდე სამთავრობო უწყებებში 3 975 სადეპუტატო კითხვა გაიგზავნა - მათგან პასუხგაცემულია 3 054 (77%), ხოლო პასუხგაუცემელი - 921 (23%) კითხვა.

პარლამენტის წევრების კითხვებზე რეაგირების ანგარიში კომიტეტის დღევანდელ სხდომაზე მოისმინეს.

როგორც კომიტეტის თავმჯდომარე ირაკლი ქადაგიშვილმა განაცხადა, რომ ევროკომისიის 12 რეკომენდაციიდან ერთ-ერთი სწორედ საპარლამენტო ზედამხედველობის მექანიზმების გაზრდა იყო, რაც პარლამენტის რეგლამენტში აისახა. ქადაგიშვილმა კითხვებზე გაცემულ პასუხებში გამოკვეთილი დარღვევების თაობაზეც ისაუბრა და აღნიშნა, რომ ზოგ შემთხვევაში კითხვაზე პასუხი გაცემულია არაუფლებამოსილი პირის მიერ ან დარღვეულია პასუხის გაცემისთვის განკუთვნილი ვადა.

ქადაგიშვილის განცხადებით, ეს გამოწვევაა, რომელთან დაკავშირებითაც შესაბამისი ღონისძიებები უნდა გატარდეს.

„ჩვენი სურვილი და კანონის მოთხოვნაა, რომ დინამიკა მუდმივად გაუმჯობესებისკენ მიდიოდეს. ამიტომაც მოვიწვიეთ მთავრობის წარმომადგენელი, რომ ეს ინფორმაცია მაქსიმალურად მიიტანოს ყველა პასუხისმგებელ პირთან და სტრუქტურასთან, რათა მოცემული ანალიზის საფუძველზე იმსჯელონ, დაინახონ რა უნდა გაკეთდეს ამ მონაცემებიდან გამომდინარე და დინამიკა გახდეს საუკეთესო. პარლამენტის წევრების კითხვებზე რეაგირება საპარლამენტო კონტროლის ეს ერთ-ერთი ეფექტური მექანიზმია და მნიშვნელოვანია დეპუტატის უფლებამოსილების შესრულებისთვის“, - განაცხადა ირაკლი ქადაგიშვილმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი