თსსუ-ის სტუდენტები კლინიკურ სტაჟირებაზე რეჯეფ თაიფ ერდოღანის სახელობის უნივერსიტეტის საუნივერსიტეტო კლინიკაში

2023 წლის 6-26 აგვისტოს თბილისის სახელმწიფო სამედიცინო უნივერსიტეტის სტუდენტების ჯგუფი ორმხრივი ხელშეკრულების ფარგლებში, გაცვლითი პროგრამით იმყოფებოდა საზაფხულო კლინიკურ სტაჟირებაზე რეჯეფ თაიფ ერდოღანის სახელობის უნივერსიტეტის საუნივერსიტეტო კლინიკაში (რიზე, თურქეთი).

ჯგუფის შემადგენლობაში შედიოდნენ თსსუ-ის სტუდენტები: არჩილ კახიძე, მარიამ გიორგაშვილი, ბარბარა სულთანიშვილი, გიორგი აფციაური, მანანა მანველიშვილი, ბაჩანა აფციაური, ოთარ გიგოლაშვილი, თათია ფუტკარაძე, მარიამ წანაწყენიშვილი, მარიამ ჯიშკარიანი, მარიამ ბულისკერია, ნატა აბულაძე, თამარ ბურჯანაძე, რომან ბაბაევი, ნინო უსტიაშვილი. საზაფხულო კლინიკურ სტაჟირებას ხელმძღვანელობდა თსსუ-ის თვალის სნეულებათა დეპარტამენტის ლაბორანტი ნინო ჯანყარაშვილი.

რეჯეფ თაიფ ერდოღანის უნივერსიტეტში თსსუ-ის სტუდენტებს შეხვდნენ უნივერსიტეტის ვიცე-რექტორი, პროფესორი ნები გუმუში, საერთაშორისო ურთიერთობების დეპარტამენტის ხელმძღვანელი, ასისტენტ-პროფესორი ვოლკან მუთლუ, კლინიკის ადმინისტრაციული და სამედიცინო პერსონალი.

სტუდენტებმა სტაჟირება გაიარეს გინეკოლოგიის, კარდიოლოგიის, გადაუდებელი სამედიცინო დახმარების დეპარტამენტებში, სადაც მათ კურირებდნენ დეპარტამენტის ხელმძღვანელები. კლინიკური სტაჟირების ფარგლებში ისინი ესწრებოდნენ კონსულტაციებს, გამოკვლევებსა და ქირურგიულ ოპერაციებს, ასრულებდნენ სხვადასხვა სამედიცინო მანიპულაციებს, ყოველდღიურად ამუშავებდნენ სამედიცინო ლიტერატურას, არჩევდნენ საინტერესო კლინიკურ შემთხვევებს.

ასევე, თსსუ-ის სტუდენტები იმყოფებოდნენ უახლესი ტექნოლოგიებით აღჭურვილ სიმულაციების ცენტრში, სადაც მათ ტრენინგი გაიარეს.

აღსანიშნავია, რომ რეჯეფ თაიფ ერდოღანის უნივერსიტეტის ასოცირებულმა პროფესორმა გიულ ოზთურქმა თსსუ-ის სტუდენტებს უნივერსიტეტში არსებულ ქართული ენის ცენტრში უმასპინძლა.

თსსუ-ის სტუდენტების ჯგუფმა რეჯეფ თაიფ ერდოღანის უნივერსიტეტის ადმინისტრაციისგან დადებითი დახასიათება მიიღო, საზაფხულო კლინიკური სტაჟირების დასასრულს კი მათ სერტიფიკატები გადაეცათ.

ინფორმაციას თბილისის სახელმწიფო სამედიცინო უნივერსიტეტი ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024