მაკა ბოჭორიშვილმა საფრანგეთში შეხვედრები გამართა

პარიზში, სამუშაო ვიზიტის ფარგლებში, ევროპასთან ინტეგრაციის კომიტეტის თავმჯდომარემ მაკა ბოჭორიშვილმა შეხვედრები გამართა საფრანგეთის რესპუბლიკის ეროვნულ ასამბლეაში ევროპულ საქმეთა კომიტეტის თავმჯდომარე პიეირ ალექსანდრ ანგლადთან, პრემიერ-მინისტრის ადმინისტრაციაში ევროპულ საქმეთა გენერალურ მდივანთან, ემანუელ პუისე-ჟოვინთან, საგარეო საქმეთა სამინისტროში ევროკავშირის დეპარტამენტის დირექტორთან, დევიდ კვაშთან და კონტინენტური ევროპის დეპარტამენტის დირექტორის მოვალეობის შემსრულებელთან, სილვენ გიოგესთან. ამის შესახებ ინფორმაციას პარლამენტის პრესსამსახური ავრცელებს.

მათივე ცნობით, შეხვედრისას საქართველო-ევროკავშირის ურთიერთობებზე, ქვეყნის ევროპულ პერსპექტივასა და მოლოდინზე ისაუბრეს. ასევე განიხილეს ევროკომისიის 12 რეკომენდაციის შესრულების მიმდინარეობა და მიღწეული პროგრესი.

„მხარეებმა დეტალურად განიხილეს ევროკავშირის გაფართოების პოლიტიკა და გეოპოლიტიკური კონტექსტის გათვალისწინებით პოლიტიკური გადაწყვეტილების მიღების მნიშვნელობა.

აღინიშნა, რომ საფრანგეთი მხარს უჭერს საქართველოს ევროკავშირში ინტეგრაციას და მზად არის ამ მიმართულებით ქმედითი დახმარება აღმოუჩინოს ქვეყანას.

სამუშაო ვიზიტის ფარგლებში, მაკა ბოჭორიშვილმა შეხვედრები გამართა ასევე, რობერტ შუმანის ფონდის პრეზიდენტთან, ჟან-დომინიკ ჯულიანისთან და პოლიტიკური კვლევების ცენტრის უფროს მკვლევართან ფლორან პარმენტიესთან", - ნათქვამია ინფორმაციაში.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი