თბილისი „ევროპის მობილობის კვირეულს“ უმასპინძლებს

დედაქალაქი 16-22 სექტემბერს „ევროპის მობილობის კვირეულს“ უმასპინძლებს, რომელსაც თბილისი მესამედ უერთდება. ამის შესახებ ინფორმაციას თბილისის მერია ავრცელებს.

მათივე ცნობით, წლევანდელი კვირეულის თემაა- „დაზოგე ენერგია“, ხოლო ღონისძიების მიზანი სხვადასხვა აქტივობის საშუალებით, მდგრადი ურბანული მობილობის შესახებ ცნობიერების ამაღლება, საზოგადოებრივი ტრანსპორტით, ფეხითა და ველოსიპედით გადაადგილების წახალისებაა.

„ევროპის მობილობის კვირეულის“ ფარგლებში, თბილისის მერიის ტრანსპორტისა და ურბანული განვითარების სააგენტო პარტნიორ კომპანიებთან და ორგანიზაციებთან ერთად, სხვადასხვა აქტივობას გეგმავს.

16-17 სექტემბერს, 11:00 საათიდან ვაშლოვანის ქუჩაზე გადაადგილება ქვეითებისთვის და არამოტორიზებული ტრანსპორტისთვის იქნება დასაშვები, ხოლო 16 სექტემბრის 12:00 საათიდან 17 სექტემბრის 18:00 საათამდე, მიცკევიჩის ქუჩაზე - პეკინის გამზირიდან გამრეკელის ქუჩის კვეთამდე არსებულ საგზაო მონაკვეთში მხოლოდ ფეხითმოსიარულეები იმოძრავებენ.

გარდა ამისა, 16 სექტემბერს, მიცკევიჩის ქუჩაზე - პეკინის გამზირიდან გამრეკილის ქუჩის კვეთამდე არსებულ გზის მონაკვეთში გაიმართება გამოფენა, სადაც დაინტერესებული პირები დაათვალიერებენ და გამოცდიან ეკო-მეგობრულ სატრანსპორტო საშუალებებს, ხოლო 14:00 საათზე იგეგმება „მწვანე აქცია“ და ფილმის ჩვენება.

ამავე დღეს, მსურველებს შესაძლებლობა ექნებათ, 13:00-დან 14:00 საათამდე პერიოდში ესტუმრონ დიდ დიღომში არსებულ ავტობაზას, 19:00 საათზე კი სასტუმრო „რედისონის“ მიმდებარე ტერიტორიიდან მელიქიშვილისა და პეკინის გამზირების მიმართულებით ველომსვლელობა დაიწყება.

რაც შეეხება 17 სექტემბერს დაგეგმილ ღონისძიებას, 12:00-დან 18:00 საათამდე მიცკევიჩის ქუჩაზე - პეკინის გამზირიდან გამრეკილის ქუჩის კვეთამდე არსებულ საგზაო მონაკვეთში, შინაგან საქმეთა სამინისტროს მომსახურების სააგენტოს ორგანიზებით, იმიტირებული ველორბოლა ჩატარდება. ღონისძიების მონაწილეებს სიმბოლურად, ველოსიპედის მართვის მოწმობები გადაეცემათ.

23 სექტემბერს, 01:00 საათზე კი, მეტროსადგურ „სახელმწიფო უნივერსიტეტში“ გაიმართება ღონისძიება „საღამო მეტროში“, რომლის ფარგლებში, დაინტერესებული პირები მეტროს მუშაობის სპეციფიკას და აღნიშნულ მეტროსადგურში არსებულ ინფრასტრუქტურას გაეცნობიან. ისინი ასევე, შეძლებენ, გაისეირნონ „სახელმწიფო უნივერსიტეტსა“ და „ვაჟა-ფშაველას“ დამაკავშირებელ გვირაბში”, - ნათქვამია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024