მარიამ ლაშხი ახალგაზრდა პარლამენტართა მსოფლიო კონფერენციაში მონაწილეობდა

ვიეტნამის დედაქალაქ ჰანოიში, საპარლამენტთაშორისო კავშირის (IPU) ახალგაზრდა პარლამენტართა მსოფლიო კონფერენცია გაიმართა, რომელშიც 60-ზე მეტი ქვეყნის 300-მდე დელეგატმა მიიღო მონაწილეობა.

ამის შესახებ ინფორმაციას საქართველოს პარლამენტი ავრცელებს.

უწყების ცნობით, ღონისძიების მთავარ სადებატო თემას, ციფრული ტექნოლოგიების განვითარება, ინოვაციებისა და სტარტაპების ხელშეწყობა წარმოადგენდა.

„მარიამ ლაშხმა საკუთარ გამოსვლებში ისაუბრა ამ მიმართულებებით საქართველოში განხორციელებულ რეფორმებზე და სახელმწიფო ხელშეწყობის პროგრამებზე. ასევე, ხაზი გაუსვა თანასწორობის მნიშვნელობას და ისაუბრა, ქალების გაძლიერებასა და ახალგაზრდების გადაწყვეტილების მიღების პროცესში ჩართულობის აუცილებლობაზე. საკუთარ მიმართვაში მან საქართველოს სტრატეგიულ მდებარეობასა და რუსეთის მიერ საქართველოს ტერიტორიების ოკუპაციას გაუსვა ხაზი, რაც მნიშვნელოვნად აფერხებს ოკუპირებული ტერიტორიების მოსახლეობისთვის საქართველოს სახელმწიფო სერვისების მიწოდების შესაძლებლობას.

ვიზიტის ფარგლებში, მარიამ ლაშხმა ორმხრივი შეხვედრები გამართა მალავის პარლამენტის თავმჯდომარესთან, ვიეტნამის პარლამენტის საგარეო საკითხთა კომიტეტის თავმჯდომარის მოადგილესთან და დიდი ბრიტანეთის საპარლამენტო დელეგაციასთან.

შეხვედრებზე ისაუბრეს მნიშვნელოვან პოლიტიკურ საკითხებზე, მათ შორის უკრაინაში მიმდინარე რუსულ აგრესიაზე და საქართველოს ოკუპირებული ტერიტორიების არაღიარებასა და ადგილზე არსებულ რთულ ვითარებაზე. მარიამ ლაშხმა კოლეგებს მოუწოდა ამ მიმართულებით საერთაშორისო ასპარეზზე მხარდაჭერის გაძლიერებისკენ.

შეხვედრებზე, ასევე განიხილეს საქართველოს ევროპული და ევროატლანტიკური ინტეგრაციის პროცესი, საპარლამენტო ურთიერთობების დინამიკა და სამომავლო თანამშრომლობის პერსპექტივები“, - აღნიშნულია გავრცელებულ ინფორმაციაში.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი