საქართველოს ეკონომიკისა და მდგრადი განვითარების სამინისტრო ევროპის მობილობის კვირეულს უერთდება

ეკონომიკისა და მდგრადი განვითარების სამინისტრო, ევროკავშირისა და გერმანიის რეკონსტრუქციის საკრედიტო ბანკის (KfW) მხარდაჭერითა და კომპანია GOPA Intec-თან თანამშრომლობით, "საქართველოს ენერგეტიკული სექტორის რეფორმის პროგრამის (GESRP)" ფარგლებში ევროპის მობილობის კვირეულს უერთდება, რომელიც თბილისში 16-22 სექტემბერს გაიმართება.

ეკონომიკისა და მდგრადი განვითარების სამინისტროს ინფორმაციით, კვირეული მიზნად ისახავს მდგრადი ურბანული მობილობის შესახებ ცნობიერების ამაღლებას, საზოგადოებრივი ტრანსპორტით, ფეხითა და ველოსიპედით გადაადგილების წახალისებას. წელს კვირეულის თემაა "დაზოგე ენერგია".

საქართველოს ეკონომიკისა და მდგრადი განვითარების მინისტრის პირველი მოადგილის რომეო მიქაუტაძის განცხადებით, ტრანსპორტზე ენერგიის მოხმარების დიდი წილი მოდის, რაც კიდევ ერთხელ ცხადყოფს სუფთა და ალტერნატიული მობილობის საშუალებათა მეტი პოპულარიზაციის აუცილებლობას.

„ევროპის მობილობის კვირეულის" მიზანიც სწორედ ესაა - საზოგადოების თითოეული წევრის მაქსიმალურად ინფორმირება როგორც მდგრადი მობილობის, ასევე ენერგიის დაზოგვის საკითხებზე, რაც, საბოლოო ჯამში, დადებითად აისახება ქვეყნის მდგრად მომავალსა და ენერგეტიკულ უსაფრთხოებაზე. ეკონომიკისა და მდგრადი განვითარების სამინისტრო მხარს უჭერს ამ ინიციატივას, რომელიც ურბანული ცხოვრების განვითარებისა და ჯანსაღი და სუფთა გარემოს ჩამოყალიბების ხელშეწყობის მიზნით, მდგრადი მობილობის წახალისებას ემსახურება", - განაცხადა მინისტრის პირველმა მოადგილემ.

"საქართველოს ენერგეტიკული სექტორის რეფორმის პროგრამის" შესახებ:

"საქართველოს ენერგეტიკული სექტორის რეფორმის პროგრამა" 2021 წლიდან ხორციელდება. პროგრამა ითვალისწინებს საქართველოს მთავრობის დახმარებას ენერგეტიკულ სექტორში რეფორმების განხორციელებისა და იმ ვალდებულებების შესასრულებლად, რომელიც საქართველოს, როგორც ენერგეტიკული გაერთიანების წევრ ქვეყანას ეკისრება შემდეგი მიმართულებებით: ენერგოეფექტურობა, შენობების ენერგოეფექტურობა, განახლებადი ენერგიების წახალისება და ენერგეტიკული ბაზარი.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024