პაატა მანჯგალაძე - „ქართული ოცნება" იქცა კორუფციის, ჯაშუშობისა და ღალატის სინონიმად და ქართველი ხალხი მათზე აუცილებლად გაიმარჯვებს

"ქართული ოცნება" იქცა კორუფციის, ჯაშუშობისა და ღალატის სინონიმად და ქართველი ხალხი მათზე აუცილებლად გაიმარჯვებს , - ამის შესახებ ”სტრატეგია აღმაშენებლის“ ერთ-ერთმა ლიდერმა პაატა მანჯგალაძემ განაცხადა.

მისივე თქმით, საქართველო ეკუთვნის არა ოლიგარქებს და ჯაშუშებს, არამედ ქართველ ხალხს.

„ რასაც ჩვენ ბოლო პერიოდში ვხედავთ, ვგულისხმობ „ქართული ოცნების" პრემიერ-მინისტრისგან და თბილისის მერისგან მედიის მიერ გავრცელებული კორუფციის პირდაპირ მტკიცებულებებს, ძალაუფლების პირადი სარგებლის მიღებისთვის გამოყენების ფაქტებს, ეს მიუთითებს გამოძალვაზე, ნეპოტიზმზე, ზეგავლენით ვაჭრობაზე, მიუთითებს მათ გაუმაძღრობაზე, სიხარბეზე, პოლიტიკური გახრწნილობის მაღალ ხარისხზე.

სწორედ ამის გამოხატულებაა ასევე ფარცხალაძეც, ქონებასა და საშოვარს დახარბებული ადამიანი როგორ გადაიქცა ჯაშუშად, რომელიც მზად არის გაყიდოს საკუთარი ხალხი, საკუთარი ქვეყანა პირადი სარგებლის მიღების მიზნით. ასეთი მაღალი მტკიცებულებების ფონზე, ვიღაცას ხელისუფლებაში ყოფნის თავხედობა და ცდილობს არა მხოლოდ კორუფცია, არამედ ჯაშუშობაც გაამართლოს. ეს მიუთითებს, რომ არსებობს მთელი ჯაჭვი, კორუცფიულ-ჯაშუშური ქსელის მთელი სისტემა, რომელიც მზად არის, პირადი სარგებლის მიღების მიზნით გაყიდოს საკუთარი ქვეყანა, საკუთარი ხალხი.

მე არ მესმის, ასეთი პირდაპირი მტკიცებულებების შემდეგ, არსებობდეს თუნდაც ერთი არგუმენტი, რის შემდეგაც „ქართული ოცნება" უნდა დარჩეს ხელისუფლებაში. „ქართული ოცნება" იქცა კორუფციის, ჯაშუშობისა და ღალატის სინონიმად და ქართველი ხალხი მათზე აუცილებლად გაიმარჯვებს.

ჩვენ მოგვიწევს გადამწყვეტი ბრძოლა საქართველოსთვის! ჩვენ მოგვიწევს გადამწყვეტი ბრძოლა საქართველოს ევროპული მომავლისთვის! ჩვენ მოგვიწევს გადამწყვეტი ბრძოლა გამარჯვებისთვის! მთავარია გვჯეროდეს, რომ ჩვენ ეს გამოგვივა, რომ საქართველო ეკუთვნის არა ოლიგარქებს და ჯაშუშებს, არამედ ქართველ ხალხს! არც ერთი ხმა კორუმპირებულ, ჯაშუშურ „ქართულ ოცნებას! ",- აღნიშნა პაატა მანჯგალაძემ, რომლის კომენტარსაც პარტიის პრესსამსახური ავრცელებს.

სტეპან  გრიგორიანი - ლავროვის გზავნილი სომეხი ხალხისთვის ასეთი იყო - რუსეთი უკრაინაში ბოლომდე იბრძოლებს, თქვენ კი გაფრთხილებთ - თუ  გააგრძელებთ ევროკავშირთან ინტეგრაციას, კარგ დღეში თქვენც არ იქნებით
ქართული პრესის მიმოხილვა 22.05.2025
ლევან ალაფიშვილი - „ქართული ოცნება“ ერთი მხრივ დემოკრატიულ ინსტიტუტებზე ახდენს თავდასხმას, ხოლო მეორე მხრივ რეპრესიულ მექანიზმებს აძლიერებს
„ბრიტანულ ქართული აკადემიის“ დამფუძნებლები „საქართველოს კაპიტალის“ ლონდონის საფონდო ბირჟიდან გარიცხვას ითხოვენ
შპს „წინანდლის ვენახები“ განცხადებას ავრცელებს
ნატო ჩხეიძე თეა წულუკიანს და საგამოძიებო კომისიას პასუხობს
ნატალია ქუთათელაძის გზა პირველი ყულაბიდან ფინანსურ სტაბილურობამდე - „ხალიკ ბანკი ყველაზე დიდი ყაზახური ფინანსური ინსტიტუტია საქართველოში - შესაბამისად, როცა საქმე ანაბარს ეხება, დარწმუნებული ვარ, რომ ჩემი ფინანსები სანდო ხელშია“
„სილქნეტი“ განცხადებას ავრცელებს
ფრანგმა სპეციალისტებმა PSP-ს ქსელის თანამშრომლებისა და ქართველი ინფლუენსერებისთვის ფრანგული დერმატოლოგიური ბრენდის „გამაღდეს“ პრეზენტაცია გამართეს
დეველოპერული კომპანია „ბიოგრაფი ლივინგი“ მოსახლეობას შვეიცარიული „შინდლერის“ ლიფტებით მოემსახურება
პირველი SWISSÔTEL გუდაურში - „პეტრა ჯგუფი“ განვითარების ახალ ეტაპზე გადადის