გიორგი ვაშაძე - უკვე აღარც კი კადრულობენ სხვა მოკვდავ ადამიანებთან ერთად ფრენას - მმართველობის მე-11 წელს „ქართული ოცნება“ პირდაპირ მხილებულია ოლიგარქიაში

პარტია „სტრატეგია აღმაშენებლის" ლიდერის, გიორგი ვაშაძის განცხადებით, მმართველობის მე-11 წელს „ქართულმა ოცნებამ“ საქართველოში ოლიგარქია დაამკვიდრა.

მისივე თქმით, კახა კალაძე და ირაკლი ღარიბაშვილი პირადი ინტერესებისთვის სახელმწიფო საკუთრებას იყენებენ.

„გუშინ „ნოდარ მელაძის შაბათის“ გადაცემაში ვიხილეთ პირდაპირი მტკიცებულება მმართველობის ფორმის, რომელიც დღეს ქვეყანაშია დამყარებული. ამჯერად, კალაძე, როგორ იყენებს პირადი მიზნებისთვის სახელმწიფო საკუთრებაში არსებულ თვითმფრინავს. ისინი უკვე აღარც კი კადრულობენ სხვა მოკვდავ ადამიანებთან ერთად ფრენას. საყიდლებზე, დასასვენებლად, სახელმწიფო ხარჯებით დადიან. ეს არის ის უმძიმესი ვითარება, რომელიც „ქართულმა ოცნებამ“ ქვეყანაში შექმნა. კალაძე, ღარიბაშვილი პირადი ინტერესებისთვის სახელმწიფო საკუთრებას იყენებენ. ხალხი ღარიბია და უმძიმეს ვითარებაშია. მმართველობის მე-11 წელს „ქართულმა ოცნებამ“ საქართველოში დაამკვიდრა ოლიგარქია.

ამ ორი კვირის განმავლობაში ნოდარ მელაძის გამოშვებაში ჩვენ პირდაპირი მტკიცებულება ვნახეთ ოლიგარქიის. სწორედ, ამ ოლიგარქიისგან გათავისუფლებაზე გველაპარაკება ევროკავშირი, თუ გვინდა, რომ ევროკავშირის წევრი ქვეყანა გავხდეთ. ელიტა ზემდიდარი, ფუფუნებაში მცხოვრები ხალხის ხარჯზე, პირადი ინტერესებისთვის სახელმწიფო საკუთრებას იყენებს. მეორე მხრივ, ხალხი უკიდურეს სიღარიბეშია. 300 ლარს ადამიანებს უგდებენ, რომ ჩუმად იყავი - ჩემი დავალებები შეასრულე 300 ლარად. თვითონ მილიონებს ხარჯავენ საკუთარი ფუფუნებისთვის და ქვეყანას ძარცვავენ. „ქართული ოცნება“ მმართველობის მე-11 წელს პირდაპირ მხილებულია ოლიგარქიაში, რუსული ინტერესების გატარებაში - სწორედ, ფარცხალაძე ამ ოლიგარქიული რეჟიმის ნაწილია, რომელიც რუსულ, ჯაშუშურ საქმიანობას ქვეყანაში ეწევა, ასევე, მხილებულია ქვეყნის და ხალხის გაღარიბებაში. ამაზე მეტი მტკიცებულება რა უნდა იყოს. ისეთი თავხედები არიან, რომ პასუხის ღირსადაც კი არ თვლიან ჟურნალისტებს, საზოგადოებას.

მინდა ჩვენს თანამემამულეებს, მოქალაქეებს მივმართო, მეგობრებო, თუ თქვენ კიდევ მხარს უჭერთ „ქართულ ოცნებას“ იცოდეთ, რომ თქვენ მხარს უჭერთ ოლიგარქიულ რეჟიმს, ქვეყნის ძარცვას, მათ გამდიდრებას და თქვენს გაღარიბებას“, - განაცხადა ვაშაძემ.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი