ჯაბა სამუშიამ  „თსუ ახალგაზრდული ფორუმი ანაკლია 2023“ გახსნა

თბილისის სახელმწიფო უნივერსიტეტის 200-ზე მეტი სტუდენტი ხუთ დღეს გაატარებს ანაკლიაში სტუდენტურ ბანაკში, რომელიც რექტორმა, აკადემიკოსმა ჯაბა სამუშიამ გახსნა. პროექტი „თსუ ახალგაზრდული ფორუმი ანაკლია 2023“ ახალგაზრდული სააგენტოს მხარდაჭერით იმართება და სტუდენტებისთვის სხვადასხვა სახის აქტივობას ითვალისწინებს.

თსუ-ს ინფორმაციით, პროექტის ფარგლებში თსუ შვიდივე ფაკულტეტის სტუდენტები ჩაერთვებიან საგანმანათლებლო, კულტურულ და სპორტულ ღონისძიებებში, მოუსმენენ საჯარო ლექციებს. პირველი საჯარო ლექცია თემაზე „სამხედრო ხელოვნება ძველ საქართველოში“ სტუდენტებს რექტორმა ჯაბა სამუშიამ წაუკითხა. ლექციის შემდეგ გაიმართა დისკუსია. შეხვედრაში მონაწილეობა მიიღო საქართველოს განათლებისა და მეცნიერების მინისტრის მოადგილემ ნოდარ პაპუკაშვილმა.

„თბილისის სახელმწიფო უნივერსიტეტი ახალგაზრდული სააგენტოს მხარდაჭერით ახორციელებს პროექტს ჩვენი სტუდენტებისთვის. ეს არის ძალიან კარგი საშუალება, რომ ახალგაზრდებმა თან დაისვენონ და თან მიიღონ გარკვეული ცოდნა და გამოცდილება, მოუსმინონ ლექციებს, მიიღონ მონაწილეობა ვორკშოპებში, გაიცნონ ერთმანეთი, დამეგობრდნენ, ჩაერთონ სპორტულ აქტივობებში, ინტელექტუალურ თამაშებში“,- განაცხადა თსუ-ს რექტორმა.

„აქ ძალიან კარგი შესაძლებლობაა სხვა ფაკულტეტის სტუდენტების გაცნობის, მათთან დაახლოების. ჯერჯერობით ძალიან კმაყოფილი ვარ. ასევე, ვარ კიდევ ბევრი საინტერესო ამბისა და აქტივობის მოლოდინში,- განაცხადა თსუ-ს ფსიქოლოგიისა და განათლების მეცნიერებათა ფაკულტეტის სტუდენტმა მარიამ ჩხეიძემ.

თსუ-ს იურიდიული ფაკულტეტის სტუდენტის ლერი ხარატის თქმით, მნიშვნელოვანია, რომ სტუდენტებს ეძლევათ შესაძლებლობა, რომ არაფორმალურ გარემოში განიტვირთონ და ამავე დროს, მიიღონ ისეთ აქტივობებში მონაწილეობა, რომელიც არის როგორც საგანმანათლებლო, ასევე გასართობი ხასიათის.

საქართველოს კულტურის, სპორტისა და ახალგაზრდობის სამინისტროს ახალგაზრდობის სააგენტოს წარმომადგენლის ნინო ოხანაშვილის თქმით, ახალგაზრდობის სააგენტო ხუთი დღის მანძილზე მასპინძლობს თსუ-ს ახალგაზრდულ ფორუმს, სადაც 200 სტუდენტი მიიღებს ინფორმაციას, გაიღრმავებს ცოდნას მოხალისეობის შესახებ და შეიძენს უნარებს, რომელიც მათ დაეხმარება გადაწყვეტილების მიღების პროცესში.

„თსუ ახალგაზრდული ფორუმი ანაკლია 2023“ სპორტულ ტურნირებსა და ინტელექტუალურ თამაშებში გამარჯვებულთა დაჯილდოებით 20 სექტემბერს დასრულდება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024