ოთარ ფარცხალაძის წინააღმდეგ გამოძიების დაწყების მოთხოვნით, პროკურატურასთან „ნაციონალური მოძრაობისა“ და „სტრატეგია აღმაშენებლის“ წევრებმა აქცია გამართეს

საქართველოს გენერალურ პროკურატურასთან „გამარჯვების პლატფორმის“ კამპანიის ფარგლებში, „ერთიანი ნაციონალური მოძრაობისა“ და „სტრატეგია აღმაშენებლის“ წევრებმა აქცია გამართეს.

აქციის მონაწილეებმა მოითხოვეს, რომ პროკურატურამ გამოძიება დაიწყოს ყოფილი გენერალური პროკურორის, ოთარ ფარცხალაძესთან დაკავშირებით.

აქციის მონაწილეებს მიტანილი ჰქონდათ პლაკატები წარწერებით: „სანქცირებული სასამართლო სანქცირებული პროკურატურა“, „რუსეთის ჯაშუშის მიერ მართული პროკურატურა“, „გადადგეს KGB-ს კადრი შოთაძე“, „KGB-შნიკების ოცნება“.

„ამერიკის შეერთებული შტატების მიერ ოთარ ფარცხალაძის დასანქცირება და მისი გამოცხადება „ეფესბეს“ გავლენის აგენტად საქართველოში, ნიშნავს იმას, რომ რეალურად, ეს შეეხო თავად ბიძინა ივანიშვილს და მის ოლიგარქიულ „კლანს“, ასევე, აღმასრულებელ ხელისუფლებას. ოთარ ფარცხალაძე არის ერთ-ერთი გავლენიანი წევრი ბიძინა ივანიშვილის „კლანის“. მას გავლენა აქვს პროკურატურაზე, ფინანსთა სამინისტროზე, შემოსავლების სამსახურზე, ასევე, მას გავლენა აქვს საქართველოს ეკონომიკაში მნიშვნელოვან სტრატეგიულ ობიექტებზე. ოთარ ფარცხალაძის დასანქცირებით დასანქცირდა ბიძინა ივანიშვილის ოლიგარქიული „კლანი“ და საქართველოს მთავრობა. აქედან გამომდინარე, მნიშვნელოვანია ყველა იმ პირმა, რომელიც უშუალოდ კავშირში არის ოთარ ფარცხალაძესთან, დატოვოს თანამდებობა. იმიტომ, რომ ისინი არიან „ეფესბეს“ ქსელის შემადგენელი ნაწილი“, - განაცხადა ვასო ურუშაძემ.

აქციის დასასრულს, მანიფესტანტებმა მსვლელობით საქართველოს ფინანსთა სამინისტროსთან გადაინაცვლეს და იქ საკუთარი მოთხოვნები კვლავ გააჟღერეს.

ცნობისთვის, აშშ-მ საქართველოს ყოფილ გენერალურ პროკურორს ოთარ-ფარცხალაძეს სანქციები დაუწესა. აშშ-ის სახაზინო დეპარტამენტის უცხოური აქტივების კონტროლის ოფისის ინფორმაციით, ახალი სასანქციო პაკეტის ფარგლებში სანქციები კიდევ 24 ინდივიდზე გავრცელდა, რომელთა შორისაა ოთარ ფარცხალაძე. აშშ-ის სახელმწიფო დეპარტამენტი ოთარ ფარცხალაძეს ქართველ-რუს ოლიგარქად მოიხსენიებს, რომელთანაც რუსეთის უშიშროების ფედერალური სამსახური („ეფესბე“) მუშაობდა, რათა რუსეთის სასარგებლოდ ქართულ საზოგადოებასა და პოლიტიკაზე გავლენა მოეხდინა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი