„საერთაშორისო გამჭვირვალობა - საქართველო“ - ზუგდიდის მერიამ „ზუგდიდობის“ დღესასწაულისთვის საჭირო მომსახურება გამარტივებული წესით შეისყიდა - ეს კონკურენციის არსებობას გამორიცხავს, რაც კორუფციული რისკების მატარებელია

„საერთაშორისო გამჭვირვალობა - საქართველოს“ ინფორმაციით, ზუგდიდის მერიამ 17 სექტემბრის, „ზუგდიდობის“ დღესასწაულისთვის საჭირო მომსახურება შპს „სტუდია 1,2,3“-ისგან გამარტივებული წესით 367,054 ლარად, ღონისძიებამდე 6 დღით ადრე შეისყიდა.

ორგანიზაციაში აცხადებენ, რომ ზუგდიდის მერიას საკმარისი დრო ჰქონდა იმისათვის, რომ „ზუგდიდობის“ დღესასწაულისთვის საჭირო ღონისძიებების შესასყიდი ტენდერი მოეწყო, რადგან ეს ღონისძიება ზუგდიდის მუნიციპალიტეტის 2023 წლის ბიუჯეტში თავიდანვე იყო დაგეგმილი.

„საერთაშორისო გამჭვირვალობაში“ მიიჩნევენ, რომ მომსახურების გამარტივებული წესით შესყიდვა, რაც კორუფციული რისკების მატარებელია და სახელმწიფო შესყიდვების სააგენტოს მოუწოდებს, მომავალში უფრო მკაცრად მოეკიდოს პირდაპირი შესყიდვებისთვის თანხმობის გაცემის საკითხს.

„ზუგდიდის მერიამ 17 სექტემბრის, “ზუგდიდობის” დღესასწაულისთვის საჭირო მომსახურება შპს “სტუდია 1,2,3”-ისგან გამარტივებული წესით 367,054 ლარად, ღონისძიებამდე 6 დღით ადრე, 11 სექტემბერს შეისყიდა.

გამარტივებულ შესყიდვას ზუგდიდის მერია ღონისძიების მასშტაბურობითა და კომპლექსურობით ასაბუთებს (https://shorturl.at/ahqs2), ამას სახელმწიფო შესყიდვების სააგენტოც ეთანხმება (https://shorturl.at/clpH6) თუმცა ზუგდიდის მერიას საკმარისი დრო ჰქონდა იმისათვის, რომ “ზუგდიდობის” დღესასწაულისთვის საჭირო ღონისძიებების შესასყიდი ტენდერი მოეწყო, რადგან ეს ღონისძიება ზუგდიდის მუნიციპალიტეტის 2023 წლის ბიუჯეტში თავიდანვე იყო დაგეგმილი.

შპს „სტუდია 1,2,3“- ის 100% წილის მფლობელია თამარ ფოცხიშვილი, დირექტორი - გიორგი ტეტიაშვილი. კომპანიამ 2013 წლიდან დღემდე 2,001,624 ლარის 37 გამარტივებული შესყიდვა მიიღო. მხოლოდ 2023 წელს კომპანიამ 751,462 ლარის ღირებულების 4 ხელშეკრულება მიიღო (საზღვაო სატრანსპორტო სააგენტოსგან - 331,408 ლარი, ეკონომიკისა და მდგრადი განვითარების სამინისტროსგან - 53,000 ლარი და ზუგდიდის მერიისგან - 367,054 ლარი). კომპანიამ წარსულში 99,621 ლარის ორ ტენდერშიც გაიმარჯვა.

მომსახურების გამარტივებული წესით შესყიდვა კონკურენციის არსებობას გამორიცხავს, რაც კორუფციული რისკების მატარებელია.

მოვუწოდებთ, სახელმწიფო შესყიდვების სააგენტოს, მომავალში უფრო მკაცრად მოეკიდოს პირდაპირი შესყიდვებისთვის თანხმობის გაცემის საკითხს“,- ნათქვამია „საერთაშორისო გამჭვირვალობა- საქართველოს“ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024