პარლამენტმა ანტიკორუფციული სააგენტოს შესახებ „ლელოს“ მიერ ინიცირებული საკანონმდებლო პაკეტის განხილვა, რომელიც პარლამენტს 2022 წლის იანვარში წარედგინა, ექვი თვით გადაავადა

პარლამენტის ბიურომ ანტიკორუფციული სააგენტოს შესახებ „ლელოს“ დეპუტატების მიერ ინიცირებული საკანონმდებლო პაკეტის განხილვა, რომელიც პარლამენტს ჯერ კიდევ 2022 წლის იანვარში წარედგინა, ექვი თვით გადაავადა.

აღნიშნული საკითხის განხილვის ვადის ექვსი თვით გადაწევის გადაწყვეტილება ბიურომ დღევანდელ სხდომაზე მიიღო.

როგორც „ლელოს“ დეპუტატმა დავით უსუფაშვილმა მმართველი გუნდის წევრების მისამართით განაცხადა, მათ მიერ შეთავაზებულ პროექტში ასახულია სწორედ ის, რის განხორციელებასაც ანტიკორუფციული მიმართულებით საქართველოსგან ევროკავშირი ელის.

„წერილში, რომელიც ანტიკორუფციული სააგენტოს შექმნის შესახებ ინიციატივის განხილვის გადადების მომართვას ახლავს თან, ვკითხულობთ, რომ ვადის 6 თვით გაგრძელებას კანონპროექტის სრულყოფილად განხილვის მიზნით ითხოვენ. ჩვენ, ინიციატორები, უაღრესად ბედნიერი და კმაყოფილი ვართ, რომ იურიდიულ საკითხთა კომიტეტი ჩვენს მოსაზრებებს ასე გულისხმიერად ეკიდება - სათანადოდ მოსამზადებლად ერთი წელი საკმარისი არ აღმოჩნდა და კიდევ ექვს თვეს ითხოვს, მაგრამ საქმე ეხება თემას, რომელიც პირდაპირ და ცალსახად ევროინტეგრაციის პროცესს უკავშირდება.

რამდენიმე დღის წინ ევროკავშირის წარმომადგენლებმა ძალიან პირდაპირ და კონკრეტულად მიგვანიშნეს, რომ ამ საკითხში ჩვენგან ელიან არა იმას, რაც პარლამენტმა უკვე მიიღო, არამედ იმას, რაც ჩვენი კანონპროექტით არის შემოთაზებული. საქმეს წაადგებოდა არა პროექტის განხილვის კიდევ ექვსი თვით გადადება, განხილვის დაწყება თუნდაც იმის სადემონსტრაციოდ, რომ ჩვენ ყველაფერი კი არ დავასრულეთ, სხვა მიმართულებითაც ვფიქრობთ.

ეს იქნებოდა უკეთესი ევროინტეგრაციისთვისაც, ქვეყნისთვისაც და პარლამენტისთვისაც“, - განაცხადა უსუფაშვილმა პარლამენტის ბიუროს სხდომაზე.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?